قازاقستاننىڭ اۋىر اتلەتيكا فەدەراسياسى الماس وتەشوۆ، جاسۇلان قىدىربايەۆ جانە ەرمەك ءومىرتايدىڭ دوپينگ ءۇشىن سپورتتان شەتتەتىلگەنى تۋرالى رەسمي مالىمدەمە جاسادى، - دەپ حابارلايدى Qamshy.kz Tengrinews.kz-كە سىلتەمە جاساپ.
4 جىلدان 8 جىلعا دەيىنگى ۇزاق ۋاقىتقا سوزىلاتىن ديسكۆاليفيكاسيانىڭ سەبەبى دەپ فەدەراسياداعىلار سپورتشىلاردىڭ تىيىم سالىنعان پرەپاراتتاردىڭ اعزاعا قاساقانا تۇسىرمەگەندىگىن دالەلدەي الماۋى دەپ اتادى.
"حالىقارالىق اۋىر اتلەتيكا فەدەراسياسى (حااف) حيۋستونداعى الەم چەمپيوناتىنان كەيىن 2015 جىلدىڭ جەلتوقسانىندا دوپينگ-سىنامالارىندا تىيىم سالىنعان سۋبستانسيالار انىقتالعان قازاقستاندىق سپورتشىلار الماس وتەشوۆ، جاسۇلان قىدىربايەۆ جانە ەرمەك ءومىرتايلارعا جازا شىعاردى. ديسكۆاليفيكاسيانىڭ وسىنشالىقتى ۇزاق بولۋى سپورتشىلاردىڭ اعزاعا تىيىم سالىنباعان پرەپاراتتىڭ قاساقانا تۇسىرىلمەگەنىن دالەلدەي الماۋىنا بايلانىستى. حااف تارتىپتىك كوميسسياسىنىڭ پىكىرىنشە، اتلەتتەر ىشكەن قوسىمشا استارىنا قاجەتتى تۇردە نازار اۋدارماعان"، - دەلىنگەن فەدەراسيانىڭ سايتىندا جاريالانعان حابارلامادا.
ەسكە سالايىق، حالىقارالىق اۋىر اتلەتيكا فەدەراسياسى (IWF) قازاقستاندىق اۋىراتلەتتەر الماس وتەشوۆ، جاسۇلان قىدىربايەۆ جانە ەرمەك ءومىرتايدى دوپينگ قولدانعانى ءۇشىن ديسكۆاليفيكاسيالاعان ەدى.
