ق ر بايلانىس جانە اقپارات قىزمەتكەرلەرى كۇنىنە وراي ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتى بىتىرۋشىلەرگە ديپلوم تاپسىرۋ جانە ولاردان شاكىرتتىك ۋادە قابىلداۋ سالتاناتىن وتكىزدى، - دەپ حابارلايدى Qamshy.kz.

ءال-فارابي كىتاپحاناسىنا جينالعان رەسپۋبليكامىزعا بەلگىلى جۋرناليستەر مەن بىتىرۋشىلەرگە ۋنيۆەرسيتەتتىڭ وقۋ ءىسى جونىندەگى پرورەكتورىنىڭ مىندەتىن اتقارۋشى اسقار حيكمەتوۆ رەكتوردىڭ قۇتتىقتاۋ ءسوزىن جەتكىزدى. «شاكىرتتىك ۋادەسىن بەرگەن بولاشاق ماماندار كاسىبىنە ادال بولادى دەگەن ويمەن وسى شارانى ۇيىمداستىرىپ وتىرمىز»، - دەدى جۋرناليستيكا فاكۋلتەتىنىڭ دەكانى  س. مەدەۋبەك ۇلى كىرىسپە سوزىندە.

شارا بارىسىندا مەملەكەتتىك ەمتيحان ءتوراعالارى (قازاق جانە ورىس بولىمدەرىنىڭ) «مىسل» جۋرنالىنىڭ باس رەداكتورى سەيداحمەت قۇتتتىقادام مەن «اقيقات» جۋرنالىنىڭ باس رەداكتورى امانحان ءالىم مەملەكەتتىك ەمتيحان جانە ديپلوم قورعاۋ قورىتىندىلارىنا توقتالىپ، بىتىرۋشىلەردىڭ ءبىلىم دەڭگەيىنە ريزاشىلىقتارىن ءبىلدىردى.

شارا ق ر بايلانىس جانە اقپارات قىزمەتكەرلەرى كۇنىنە وراي ۋنيۆەرسيتەتىمىزدىڭ ومىرىنە بەلسەنە اتسالىسىپ كەلە جاتقان جۇمىس بەرۋشى  ارىپتەستەرىمىزدى «ءال-فارابي اتىنداعى قازاق ۇلتتىق ۋنيۆەرسيتەتىنە 80 جىل» مەرەكەلىك مەدالىمەن ماراپاتتاۋ راسىمىنە ۇلاستى. اتاپ ايتقاندا، «الاتاۋ» باسپاسىنىڭ ديرەكتورى ىرىم كەنەنبايەۆ، «تۇركىستان» حالىقارالىق اپتالىعىنىڭ حالىقارالىق شولۋشىسى ءنازيا جويامەرگەن قىزى، سونداي-اق، ۋنيۆەرسيتەتتىڭ ەرەكشە ەڭبەگىمەن كورىنگەن ۇستازدارى وسى مەدالمەن جانە رەكتوردىڭ العىس حاتىمەن ماراپاتتالدى. كەلەسى كەزەكتە قازاقستان جۋرناليستەر اكادەمياسىنىڭ پرەزيدەنتى ساعىمباي قوزىبايەۆ ءبىرقاتار ب ا ق وكىلدەرىنە اكادەميانىڭ ديپلومىن تاپسىردى.

ۋنيۆەرسيتەت تۇلەكتەرى شاراعا ارنايى شاقىرىلعان قوناقتاردىڭ، اتاپ ايتقاندا پرەزيدەنت اكىمشىلىگى باسپا ءسوز قىزمەتى الماتى ءبولىمىنىڭ باستىعى ۆالەريي جانداۋلەتوۆتىڭ، ءماجىلىس دەپۋتاتى ارتۋر پلاتونوۆتىڭ، «قازاق گازەتتەرى» ج ش س پرەزيدەنتى جۇمابەك كەنجاليننىڭ،  «قازاق راديوسى» الماتى فيليالىنىڭ باس رەداكتورى مۇرات مۇقاشتىڭ، «سۆوبودا سلوۆا» گازەتىنىڭ باس رەداكتورى جاننا ويشىبايەۆانىڭ، «قازاقستان»  ترك پروديۋسەرى جاڭىل اسىلبەكوۆانىڭ، «گۇلستان» جۋرنالىنىڭ باس رەداكتورى  باتيما قابدولدانوۆانىڭ جانە ت.ب.قولىنان ديپلوم الا وتىرىپ، كاسىبي قىزمەت ادەبىنە ادال ەكەندىكتەرىن ءىس بارىسىندا جوعارى جەتىستىكتەرمەن دالەلدەۋگە ۋادە بەردى. شارا سوڭى كونسەرتتىك باعدارلاما مەن بىتىرۋشىلەردىڭ اسەم بيىنە ۇلاستى.

نازگۇل شىڭعىسوۆا

ءال-فارابي اتىنداعى قازۇۋ پروفەسسورى