قاراقات پەن ءقىدىرالى استانادا وتكەن كونسەرتتە  “توقال” ماسەلەسىنە قاتىستى وسىعان دەيىن وزدەرىنە جارناما جاساعاندارىن ايتتى، - دەپ حابارلايدى Qamshy.kz Stan.kz -كە سىلتەمە جاساپ.

“مەن نە ىستەسەم دە ەرىممەن اقىلداسىپ بىرگەلىكتە شەشىم قابىلدايتىن اداممىن. مەنىڭ توقال دەگەنىم مىنا كولىك” دەپ ءانشى  سۋ جاڭا Toyota Land Cruiser 200 ماشيناسىن كورسەتكەن.

استانا كۇنى قارساڭىندا “ابك” جانە “ۇلىتاۋ” توپتارىنىڭ مەرەيتويلىق كونسەرتى ءوتتى. اتالعان كونسەرت باستالماي جاتىپ داۋعا ۇلاسسا دا، سوڭى ءتاتتى اياقتالعان. سەبەبى، ارىپتەستەرى جيىلىپ ءقىدىرالى بولمانوۆقا تەمىر تۇلپار سىيلاعان. بۇل قۋانىشتى حاباردى پروديۋسەردىڭ ءوزى ءبولىستى.

“قاراپ وتىرسام ومىردە كوپتەگەن سىيلىققا يە بولىپ كەلە جاتىر ەكەنمىن. بىرنەشە كولىك تە مىنگىزدى. ونىڭ ىشىندە ەسكىسى دە، جاڭاسى دا بولدى. ءبىر ماشينەنى سوعىپ الىپ، جاقسى ادامدار ەكەن، امان قالعانىمىز ءۇشىن دەپ كولىگىمدى بەرە سالعان كەزدەرىم دە بولدى.

ءقازىر ءمىنىپ جۇرگەن كولىكتى دە ءبىر كەزدەرى ماعان تارتۋ ەتكەن. ونى ءمىنىپ جۇرگەنىمە 15 جىلدىڭ ءجۇزى بولدى. جازعى دەمالىسقا كەتكەن كەزدە ءوز كولىگىمدى “تيۋنينگ” جاساتىپ، كەلگەننەن كەيىن جاڭا كولىك الدىق دەي سالامىن دەپ جوسپارلاعام. ونى كەرەمەت جاسايتىن ماماندارمەن دە كەلىسىپ قويعانمىن. اجەمنىڭ “شەبەر اللا” دەيتىن سوزدەرى ەسىمنەن كەتپەيدى. سولاي ەكەنىنە كوپتەن بەرى ەش كۇمانىم جوق. ماقتاندى دەمەڭىزدەر.

بۇل مەن ءۇشىن كولىك ەمەس، قيماس دوستارىمنىڭ كول-كوسىر، اق-ادال نيەتتەرى! اللا رازى بولسىن! ءارقايسىسىنىڭ وتباستارىنا اللا ميلليونداعان ەسە قىلىپ قايتارسىن. ۇيىپ-توگىپ باق-بەرەكە بەرسىن دەپ تىلەيمىن! سىزدەرمەن قۋانىشىممەن بولىسەيىن دەگەن نيەت قانا”، – دەپ ءقىدىرالى بولمانوۆ بالاشا قۋانىپ تۇرعانىن جەتكىزدى.

مۇنىمەن قاتار، كونسەرتتىڭ جوعارى دەڭگەيدە وتۋىنە اتسالىسقان استانا اكىمدىگىنىڭ مادەنيەت باسقارماسىنىڭ باسشىسى بولات ماجاعۇلوۆ مىرزاعا العىسىن جەتكىزدى. ال كونسەرت باسىندا ورىندارعا بايلانىستى بولعان شۋلى ماسەلەنىڭ ازىرگە قالاي شەشىلگەنى بەلگىسىز.