2015 جىلى 12 جەلتوقساندا تالدىقورعان قالاسى كوكسۋ اۋدانىندا اۋەسقوي «سامعا» جاستار تەاترى اۋدان اكىمشىلىگى مادەنيەت سالاسىنىڭ قولداۋىمەن قۇرىلىپ، جەتەكشىسى رەتىندە امانگەلدى مادەنيەت ءۇيىنىڭ ديرەكتورى فاتيح اقىن ۇلى تاعايىندالعان بولاتىن.

ارنايى ىرىكتەۋ ارقىلى جيناقتالعان تەاتر قۇرامى العاش رەت وتكەن بىلتىر 29 جەلتوقساندا كوكسۋ اۋدانىندا اقىت ءۇلىمجى ۇلىنىڭ «شولاق قول ايەل» قيسساسى جەلىسىندەگى العاش قويىلىمىنىڭ تۇساۋىن كەستى. عيبراتتى قويىلىم ەل جۇرەگىن تەبىرەنتتى جانە ءازىل ىسقاقتار دا ەل كوڭىلىن كوتەرىپ، اسقاق اندەر شىرقالدى. وزدىكتەرىنەن تىڭ باستاما شىعارمالارمەن تۇساۋ كەسەر وتكىزگەن ونەرپازدارعا اۋدان باسشىلىعى ءارى قاراي قولداۋ تانىتاتىندارى ايتىلدى.  مىقتىبەك راقىمبەك دەگەن ازامات قويىلىمدى جوعارى دەڭگەيدە بولعانىنا رازى بولىپ، وبلىستا وتكىزۋىنە قارجىلاي كومەك بەردى.

2016 جىلى قاڭتارىندا تەاتر وبلىستىق ءىلياس جانسۇگىروۆ سارايىندا رەجيسسەر مۇسا اجىبەكوۆتىڭ كومەگىمەن بەلگىلى دراماتۋرگ ليا يگەمبەردييەۆانىڭ شىعارمالارىمەن كەش شىمىلدىعىن اشتى. 700 ادامدىق زال لىق تولى، كورەرمەن قولداۋلارى كوزدەرىندە وتى بار تەاتر جەتكىنشەكتەرىن قاناتتاندىرىپ جىبەردى. كەشتىڭ قۇرمەتتى قوناقتارى مادەنيەت مايتالماندارى مەن تەاتر ونەرىنىڭ ارداگەرلەرى وتتاي لاۋلاعان جەتكىنشەك ارتىستەرگە قاتتى تاڭ قالىستى. از ۋاقىت ىشىندە مۇنداي شىعارمالاردى ءسىڭىرىپ، قويىلىم رولدەرىن جوعارى دەڭگەيدە ورىنداۋلارىنىڭ سىرى تابيعي تالانت ەكەندەرىن جارىسا ايتىپ ماداقتاستى. بولاشاعىنان زور ءۇمىت كۇتتىرەتىن تەاتر بولاتىنىنا سەنىمدەرىن ايتتى.

ارى قاراي جاقىن اۋداندار مەن اۋىلداردى ارالاپ قويىلىمدارىن جالعاستىرعان تەاتر ونەرپازدارى قوسىمشا، وبلىستىق، رەسپۋبليكالىق ءان بايقاۋلارىندا دا باس جۇلدە، ءبىرىنشى ورىنداردى يەلەنسە، اۋدان وبلىستىق اقىندار ايتىسىندا دا باس جۇلدە، ءبىرىنشى، ەكىنشى، ءۇشىنشى ورىنداردى بەرمەي كەلەدى. وكىنىشكە وراي، قارجىلىق داعدارىسقا بايلانىستى كوكسۋ اۋدانى تەاتردى قارجىلاي جاعىنان، كيىم جاعىنان كومەك كورسەتە المايتىنىن ايتىپ ۋاقىتشا توقتاتۋ تۋرالى شەشىم شىعاردى. جانە زاڭ بويىنشا شتات الۋعا ەكى جىل كەتەدى، ەكى جىل بويى قارجىلاندىرۋ مۇمكىن ەمەس جانە جۇمىس جۇرگىزۋ زاڭسىز بولاتىن كورىنەدى. ۇكىمەتكە تىرەمەيمىز دەدى.

فاتيق اقىن ۇلى ورىمدەي ونەرپازداردىڭ بۇلاي دالادا قالىپ قالۋىنا كۇيىنىپ وبلىستىق شىعارماشىلىق ورتالىعىنان دا بارىپ كەڭەس سۇرادى. ءبارى دە  بىردەن شتات بەرىلمەيدى، ەكى جىل كۇتۋدى ايتتى جانە قارجىلاندرۋ مۇمكىن ەمەسىن ءتۇسىندىردى. قازىرگى تاڭدا بۇل تەاتر وزدىگىنەن تالاپتانىپ ءاربىر مەكەمەلەردەن ۋاقىتشا ورىن سۇراپ الىپ، ءار جەردە دايىندىقتارىن جاساپ، قويىلىمدارىن قويىپ، كۇندەرىن كورۋدە. فاتيق اقىن ۇلى ۋادە بەرگەن تەاترىنا باستاماشى بولىپ جۇگىرىپ ءجۇرىپ، ءوز قىزمەت ورنىنان دا تالاي رەت ەسكەرتۋ سوگىستەرىن الىپ ۇلگەردى. كەيدە تەاتردىڭ قاجەتتىلىكتەرىن الۋ ءۇشىن ازعانتاي ايلىعىن دا سالىپ جۇرگەن جايى بار. تالاي دانىشپاندار «تاستا قايتەسىڭ، قىزمەتىڭدى ىستەپ جۇرە بەرسەڭشى» دەيدى. ءبىراق تاۋدان اققان تاس بۇلاقتاي قايناپ شىققان بالالاردى قاراۋسىز قالدىرىپ كەتكەنىم ادامگەرشىلىك ەمەس قوي، ولار العاش كەلگەندە ءبىرىنشى اللاعا، ەكىنشى ماعان سەنىپ كەلدى، وسى ارادان ونەرمىزدى دامتىساق دەدى، ەندى قارا باسىمنىڭ قامى ءۇشىن ۋادە بۇزسام ادامگەرشىلىك بولماس دەپ وزىنە جەكە قالعان تەاترىمەن بىرگە قيىندىقتى كۇندەردى بىرگە وتكىزۋدە. ارماندارى شىركىن كيىم-كەشەك جاعىنان دايىندىقتارىن جۇرگىزەتىن ورىن جاعىنىن قولداۋلار بولسا از دا بولسا، دەمەۋشىلىك بولسا، بۇل ونەردى جالعاستىرۋعا بارىن سالعىسى كەلەدى. امال نە، قىسقا ءجىپ كۇرمەۋگە كەلمەي-اق ءجۇر، ايتپەسە، وسكەلەڭ ۇرپاقتىڭ رۋحاني جەتىلۋىنە، مادەني مۇرالارىمىزدى ساحنا تورىنەن ناسيحاتتاۋعا قۇلشىنىس زور.

ەرلان تولەۋباي