جۋىردا بايان ەسەنتايەۆانىڭ قىزى سالماقتى جازباسىمەن جۇرتتى قايران قالدىرعان بولاتىن. ەندى مىنە بويجەتكەن كۇشىگىمەن تۇسكەن ۆيدەوسىن بولىسەمىن دەپ سىننىڭ استىندا قالدى، - دەپ حابارلايدى Qamshy.kz Stan.kz - كە سىلتەمە جاساپ.
بىرنەشە كۇن بۇرىن ايساۋلە باقىتبەك دوستارىمەن تۇسكەن سۋرەتىن ينستاگرام پاراقشاسىنا سالدى. سۋرەتتەردىڭ بىرىندە بەيتانىس جىگىتپەن قۇشاقتاسىپ تۇرادى. ال ەكىنشىسىندە قۇربىلارىمەن تۇسكەن. جۇرت ونىڭ ۇستىندەگى قىسقا كويلەگىن سىناپ، جىگىتتىڭ موينىنا اسىلۋىن ەرسى قىلىققا بالايدى. ءبىرى مۇنى بۇرىنعى جىگىتىنە ەرەگىسىپ جاساپ جۇرگەنىن ايتقان. جەلى قولدانۋشىلارىنىڭ بۇلاي دەۋىنە ايساۋلەنىڭ بۇرىنعى جىگىتىمەن تۇسكەن سۋرەتتەرىنىڭ بارلىعىن ءوشىرىپ تاساۋى سەبەپ بولعان.
بۇل جولى ايساۋلەنىڭ كۇشىگىمەن بىرگە تۇسكەن ۆيدەوسى سىننىڭ استىندا قالدى. جەلى قولدانۋشىلارى “وسىنى قالاي عانا ءداتى بارىپ سۇيەدى ەكەن”، “قازاق دەسەڭ وزىڭە تيەدى. قورقىنىشتى كۇشىكتى قانشا مىڭعا ساتىپ الادى ەكەن”، “مىڭ جەردەن دارىگەرگە بارىپ تەكسەرتىلگەن يت بولسا دا جيىركەنىشتى كورىنەدى.
ول ناعىز پارازيت ەمەس پە؟! ايساۋلە، ىشەگىڭنىڭ بارلىعى قۇرت بولىپ كەتكەن شىعار”، “يت اياعىڭدى جالاسا دارەت بۇزىلادى دەيدى. اۋىزدى جالاعان كەزدە نە بولاتىنىن ءتىپتى بىلمەدىم”، “كوزى شىعىپ كەتكەن، بويى مىرتىق ءيتتى قالاي عانا اسىراپ جاتىرسىڭدار؟” دەگەن سىندى پىكىرلەر بىلدىرگەن.
اراسىندا ايساۋلەنى “ول دالادا جاتاتىن، كۇندە سەنىڭ كورىپ ۇيرەنگەن يتتەرىڭ ەمەس. ارنايى تەكسەرۋدەن ءوتىپ، كۇتىم جاسالعان يت”، “بىرەۋدە شارۋالارىڭ قانشا؟ اۋزىم بار دەپ ايتا بەرگەندى قاشان قوياسىڭدار؟” دەپ قورعاپ العاندار دا بولدى.
