«قازكوممەرسبانك» اق-عا قارىزدانعان تانىمال قازاقستاندىق ديزاينەر قۇرالاي ءنۇرقادىلوۆانىڭ مۇلكى ساتىلىمعا شىعارىلدى، - دەپ حابارلايدى Qamshy.kz.

ءبىرىڭعاي ەلەكتروندى ساۋدا الاڭى سايتىندا الماتىداعى «دۋبوك» شاعىناۋدانىندا ورنالاسقان 0،1366 گا جەر تەلىمى بار جالپى كولەمى 283،8 شارشى مەتر ءۇيدىڭ ساتۋعا شىعارىلعانى حابارلاندى. جىلجىمايتىن مۇلىك شامامەن 109 ميلليون تەڭگەگە باعالانعان.

ەستەرىڭىزگە سالا كەتەيىك، قۇرالاي زامانبەك قىزىنىڭ سوزىنشە، بانك 2006 جىلى العان نەسيەسىنىڭ ۇستىنە قوسىمشا 44 مىڭ دوللار قوسىپ قويعان. بۇل ءىس جاقىندا جوعارعى سوتقا دا جەتتى. ءنۇرقادىلوۆا مەن بانك اراسىنداعى اقشا داۋى بىرنەشە جىلدان بەرى جالعاسىپ كەلەدى. وسى ۋاقىت بويى بانك ءنۇرقادىلوۆا كەلىسىمدى ساقتامادى دەپ 2006 جىلى 20 جىلعا بەرىلگەن 641 900 اقش دوللارىنىڭ نەسيە شارتىن مەرزىمىنەن بۇرىن سوت ارقىلى بۇزۋعا تىرىسىپ باققان ەدى. 

ايتا كەتەيىك، ءنۇرقادىلوۆانىڭ جىلجىمايتىن مۇلكى بويىنشا ساۋدالاسۋ 2016 جىلدىڭ 7 قىركۇيەگىندە ءباستالادىۇ