بۇگىن پارلامەنت پالاتالارىنىڭ بىرلەسكەن وتىرىسى اياسىندا جۋرناليستەرگە سۇxبات بەرگەن ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا زورلانعان التى جاسار قىزدىڭ جاعدايى جايىندا ايتىپ بەردى. جاقىندا ول بالا اقتاۋدىڭ بالالار اۋرۋxاناسىنان استاناداعى انا مەن بالا ورتالىعىنا اۋىستىرىلعان بولاتىن، - دەپ xابارلايدى Qamshy.kz Baq.kz - كە سىلتەمە جاساپ.

«ازىرشە، ونىڭ جاعدايى تۇراقتى اۋىر بولىپ باعالانىپ وتىر. دارىگەرلەر بارلىق قاجەتتى كومەكتى كورسەتىپ جاتىر. جالپى، ويلايمىن، ونىڭ جاعدايى دۇرىستالادى»،- دەپ اتاپ كورسەتتى ت.دۇيسەنوۆا.

ال «ەمدەۋ شارالارىنا شەتەلدىك دارىگەرلەر تارتىلا ما؟» دەگەن سۇراققا مينيستر: «ازىرگە ءوزىمىزدىڭ دارىگەرلەردىڭ كومەگى جەتكىلىكتى دەپ ەسەپتەيمىن»، - دەپ جاۋاپ بەردى.

ايتا كەتەيىك، تامىزدىڭ 20-سى كۇنى اقتاۋدا بەلگىسىز بىرەۋ 6 جاسار قىزدى ۇرلاپ، زورلاپ كەتكەن بولاتىن. كىشكەنتاي بالا اۋىر جاعدايدا جان ساقتاۋ بولىمىنە تۇسكەن. بىرنەشە كۇننەن كەيىن كۇدىكتى ۇستالدى دەگەن اقپارات تارادى. الايدا ونىڭ اتالعان قىلمىسقا قاتىسى بارى راستالعان جوق. ىزدەستىرۋ شارالارى جالعاسۋدا.