بۇل اقپارات قۇقىق قورعاۋ ۇيىمدارىنىڭ سوتقا دەيىنگى  ءانونيمدى تەرگەۋ ماتەريالدارىنان بەلگىلى بولعان. قايعىلى وقيعا بولعان ماۋسىمنىڭ 10 كۇنى  ايەلىن ۇرىپ، ءتورت جەرىنەن پىشاقتاعان باقىتبەك ەسەنتايەۆ قانسىراپ جاتقانىنا قاراماستان،  باياندى جانارماي بەكەتىندەگى كولىك ىشىندە  ۇستاپ وتىرعان.  ءتىپتى جەدەل جاردەم دە شاقىرماعانا. قانسىراپ جاتقان بايان كۇيەۋىنەن ءوزىن ولتىرمەۋىن جالىنىپ سۇراعان.  قىزدارى  ايساۋلە كەلگەنشە 45 مينۋت وتكەن، - دەپ حابارلايدى Qamshy.kz  Zakon.kz سايتىنا سىلتەمە جاساي وتىرىپ.

«ايەلدەر ەرلەرەگە قاراعاندا شىدامدى بولىپ كەلەدى.  نازىك جاندىلار  1،5 ليتر قان جوعالتىپ قايتا قالپىنا كەلە السا، ەرلەردىڭ شوك الۋى ءۇشىن 0،5 ليتر  قان جەتكىلىكتى»،- دەپ ءتۇسىندىردى بۇل جۇيەدە ۇزاق ۋاقىت قىزمەت ەتكەن اگەنتتىك مامانى. اتالعان فاكتىگە  قازاقستان رەسپۋبليكانىڭ قىلمىستىق كودەكسىنىڭ 106 –شى بابى بويىنشا «دەنساۋلىققا اۋىر زيان تيگىزگەن»  دەگەن ايىپپەن   قىلمىستىق ءىس قوزعالعان.

«ب ا ق بەتتەرىندەگى باقىتبەكتىڭ ءوز ىسىنە وكىنۋى جانە ايەلىنەن كەشىرىم سۇراۋعا مۇمكىندىگى بولماي جاتىر دەگەن اقپاراتتار  وتىرىك، ونىڭ ءبىر ەمەس، مىڭداعان مۇمكىندىگى بولعان» - دەپ مالىمدەيدى اقپارات بەرۋشى. ونىڭ ۇستىنە باقىتبەك ەسەنتايەۆتىڭ قورعاۋشىسى بەكبولات جەكسەيىتوۆ ق ر باس پروكۋرورى اندرەي كراۆچەنكونىڭ قابىلداۋىنا جازىلعان، ول تالدىقورعاندا جەكە باس ماسەلەسى بويىنشا قابىلداۋعا كىرمەك.  كەلەسى سوت قاسكەلەڭ قالاسىندا بولۋى مۇمكىن.