اقتاۋلىق پوليسەيلەر 6 جاستاعى قىزدى زورلاعان پەدوفيلدى قولعا ءتۇسىردى، - دەپ حابارلايدى Qamshy.kz كتك ارناسىنا سىلتەمە جاساپ.

32 جاستاعى ازعىن ويىن بالاسىن ايۋاندىقپەن ازاپتاعانىن ءوزى دە  مويىنداعان. ونىڭ كىشكەنتاي قىزعا سەكسۋالدىق قىسىم كورسەتكەنى ارنايى ساراپتاما دا دالەلدەپتى. 

ال، ءبۇلدىرشىننىڭ ءوزى مۇگەدەك بولىپ قالۋى مۇمكىن. دارىگەرلەردىڭ ايتۋىنشا، ويىن بالاسىنىڭ ميى قاتتى  شايقالعان. ءالى ەسىن بىلمەيدى. كىشكەنتاي قىز ءقازىر استاناداعى انا مەن بالا عىلىمي ورتالىعىندا جانساقتاۋ بولىمىندە جاتىر. دەنساۋلىعىن ەلوردالىق دارىگەرلەر كۇنى-تۇنى باقىلاۋدا. ءبىراق بۇدان  قىزدىڭ بەتى بەرى قارايتىن ءتۇرى جوق. ەستەرىڭىزگە سالساق، ەلدى دۇرلىكتىرگەن جانتۇرشىگەرلىك وقيعا 20-شى تامىز كۇنى بولعان. 6 جاستاعى قىز جوعالىپ كەتىپ، بىرنەشە ساعاتتان سوڭ قانسىراعان ءسابي اقتاۋ شەتىندەگى ساياجايدان تابىلعان ەدى. سويتسە، ازعىن ءبۇلدىرشىندى اياماي، ويىنا كەلگەنىن ىستەپتى.