قاراعاندىداعى «ارسەلور ميتتالتەمىرتاۋدا» جويقىن جارىلىس بولدى، - دەپ حابارلايدى Qamshy.kz 31-ارناعا سىلتەمە جاساپ. دەنەسىن كۇيىك شالعان ءبىر جۇمىسشىنىڭ جاعدايى اۋىر. دارىگەرلەردىڭ سوزىنشە، تەرى استىنداعى مايى كۇيىپ كەتكەن.

بەرىك تولەۋبايەۆ، «پروفەسسور ح.ج. ماقاجانوۆ اتىنداعى تراۆماتولوگيا جانە ورتوپەديا وبلىستىق ورتالىعى» كمك باس دارىگەرى:

- ەندى ءۇمىت، ارينە بار. ءبىراق تا ونىڭ كۇيىگى ۇلكەن كولەمدە جانە ونىڭ تەرەڭدىگى ۇلكەن. سوندىقتان ومىرىنە، ارينە ءقاۋىپ بار.

مەتاللۋرگيا كومبيناتىنىڭ باسشىلىعى زارداپ شەككەن جۇمىسشىنىڭ وتباسىنا اقشالاي كومەك كورسەتۋگە ۋادە بەرىپ وتىر. جارىلىس  وندىرىستەگى  گاز قىزدىرعىشتاردى ىسكە قوسۋ كەزىندە بولعان كورىنەدى.  وقىس وقيعانىڭ سەبەبى انىقتالىپ جاتىر.  بەلگىلى بولعانداي،  جىل باسىنان بەرى «ارسەلور ميتتال تەمىرتاۋدا» بولعان العاشقى وقىس جاعداي ەكەن.

سۆەتلانا چۆانوۆا ، «ارسەلور ميتتال تەمىرتاۋ» اق باسپا ءسوز حاتشىسى:

- 3ء-ىنشى قىركۇيەكتەن 4ء-ىنشى قىركۇيەككە قاراعان ءتۇنى كونۆەرتورلىق سەح بولىمىنە ۋچاسكەلىك ارالىق شومىشتەردى دايىنداۋدا مەتاللۋرگيالىق كومبيناتتا گاز جارىلدى. قازىرگى ۋاقىتتا كاسىپورىندا كوميسسيا تەرگەۋ جۇرگىزىپ جاتىر. سەحتار مەن كومبيناتتار شتاتتىق رەجيمىندە جۇمىس ىستەۋدە.