«قۇربان ايت» كۇندەرىن «قۇدايدىڭ ريزاشىلىعى ءۇشىن، ءتورت تۇلىك مالدى قۇرباندىققا شالۋ كۇندەرى!» دەپ ويلايتىن قانداستار، سىزدەر قۇدايدىڭ قانداي قۇدىرەت ەكەندىگى تۇگىلى، قۇدايتانۋدىڭ دا نە ەكەندىگىن بىلمەي ءجۇرىپ، قۇدايدى قانقۇمارعا ۇقساتىپ، مازاق قىلماڭىزدار! قۇداي ءوزى ءۇشىن، قوي تۇگىلى، قوڭىزدىڭ دا جازىقسىز ءولتىرىلۋىن قالامايدى! ول وبالدى ويلايدى. سىزدەردىكى سەكىلدى داڭعويلىق پەن ارسىز باسەكەنى، تەككە ىسىراپتى، مال ساۋداسى قىزعىنعا اينالاتىن قانقاساپتى جەك كورەدى ول.
ءقازىر – ءححى-عاسىر. ءدىني ەرتەكتەر مەن سۋقيتتىقتارعا سەنەتىن باياعى سوقىرسەنىم زامانى كەلمەسكە كەتكەن. ويلانىڭىزدار.
ەگەر، «قۇرباندىق شالۋ - جوق-جىتىكتەرگە كەرەك!» دەسەڭىزدەر، وندا، قۇربان ايت كۇندەرىن «جوق-جىتىكتەرگە جاردەم كۇندەرى» دەپ اتاڭىزدار. ءسويتىپ، وعان دايىندىقتى اۋەلى جوق-جىتىكتەردىڭ ەسەبىن الۋدان باستاڭىزدار. سونان سوڭ، قۇرباندىقتارىڭىزدىڭ ءوزى الۋان-الۋان قايىرىمدى ويلاردى جۇزەگە اسىرۋ تۇرىندە بولا ما، جوق، مولدىرەگەن ناقتى بال تۇرىندە بولا ما نەمەسە جازىقسىز ماڭىراعان مال تۇرىندە بولا ما، ءوزارا كەڭەسە جاتارسىزدار.
تىنىشتىقبەك ابدىكاكىم ۇلىنىڭ فەيسبۋكتەگى پاراقشاسىنان الىندى
