مەملەكەت باسشىسى نۇرسۇلتان نازاربايەۆ قاسيەتتى قۇربان ايتتىڭ العاشقى كۇنىندە وزبەكستانعا جۇمىس ساپارىمەن بارىپ، كورشىلەس ەلدىڭ كوز جۇمعان كوسەمى يسلام كاريموۆتىڭ رۋحىنا تاعزىم ەتتى،-دەپ حابارلايدى Qamshy.kz حابار24 ارناسىنا سىلتەمە جاساپ.  

ەلباسى باقيعا وزعان بايىرعى ۇزەڭگىلەسى، تاۋەلسىز وزبەك ەلىنىڭ تۇڭعىش پرەزيدەنتىنىڭ سامارقانداعى بەيىتىنە گۇل شوقتارىن قويىپ، مارقۇمنىڭ وتباسىنا كوڭىل ايتتى. بۇگىن - مۇقىم مۇسىلمان قاۋىمى ءۇشىن ەڭ ۇلىق مەرەكە. قاسيەتتى قۇربان ايت كەزىندە مەملەكەت باسشىسىنىڭ تاريحى مەن تاعدىرى تامىرلاس وزبەك ەلىنە ات باسىن بۇرۋىندا دا ۇلكەن ءمان جاتىر. ەلباسى نۇرسۇلتان نازاربايەۆتى اۋەجايدان وزبەكستان پرەزيدەنتىنىڭ مىندەتىن ۋاقىتشا اتقارۋشى شاۆكات ميرزيەيەۆتىڭ ءوزى قارسى الدى.

قازاقستان پرەزيدەنتى ۇزاق جىلدار بويى بەرىك دوستىق پەن ءوزارا تىلەۋلەستىك بايلانىسىن بەكەمدەپ كەلگەن يسلام كاريموۆتىڭ قازاسىن بارشا قازاق حالقى قابىرعاسى قايىسا قابىلداعانىن جەتكىزدى. ساپاردىڭ نەگىزگى ماقساتى - ارتىندا وشپەس مۇرا، ولمەس ءىز قالدىرعان تاريحي تۇلعانىڭ رۋحىنا تاعزىم ەتۋ. نۇرسۇلتان نازاربايەۆتىڭ بۇل ساپارىنا ىستىق ىقىلاس بىلدىرگەن وزبەك حالقى قازاقستانمەن قارىم-قاتىناستى ارتتىرىپ، بارلىق سالاداعى بايلانىستى بەكەمدەۋگە مۇددەلى ەكەنىن جەتكىزدى. ەلباسى ىرگەسى بىرگە جاتقان ەكى ەلدىڭ ەڭسەسىن تىكتەۋ جولىندا يسلام كاريموۆتىڭ شوقتىعى بيىك، ورنى بولەكتىگىن ايرىقشا اتاپ ءوتتى.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

- بۇكىل قازاق حالقىنا قينالعان جۇرەگىن جەتكىزۋ ءۇشىن مەن بۇگىن قۇربان ايت كۇنى ادەيى وسى جەرگە كەلىپ تۇرمىن. يسلام ابدىعاني ۇلىنىڭ ىستەگەن ءىسى، ونىڭ مەملەكەتتىك قىزمەتى ءالى بولاشاقتا تالاي رەت زەرتتەلەتىن بولادى. تالاي عاسىرلارعا كەتەتىن بولادى. ءبىز بىلەمىز ىستەگەن جۇمىستىڭ بارلىعى ەل ءۇشىن، حالىق ءۇشىن. وزبەكستاندى كوتەرۋ ءۇشىن، وزبەك حالقىن كوتەرۋ ءۇشىن ايانباي كۇندىز-تۇنى جۇمىس ىستەپ بارلىق ءومىرىن، بارلىق ءبىلىمىن ەلگە بەردى. سوڭعى كۇنگە دەيىن جۇمىسىن تاستامادى. وزبەكستاننىڭ حالقىنا جاقسىلىق جاسادى. وزبەكستاندى بۇكىل دۇنيەگە پاش ەتتى، كورسەتتى. ونىڭ بارلىعىن ءوزىمىز كورىپ وتىرمىز. سوندىقتان ورنى تولمايتىن قايعى ارينە. اسىرەسە مەن ءۇشىن جاقىن دوسىمنان ايىرىلدىم. ەكەۋىمىز ءبىر زاماندا تۋدىق، بىرگە وستىك. ءبىر كۇننەن باستاپ ەل باسقاردىق. ول وزبەكستاندى، مەن قازاقستاندى. 25-30 جىلدىڭ ىشىندە ءار ۋاقىتتا سىرلاس بولدىق، بىرگە بولدىق. سوندىقتان ايتىپ كەتكەن سوزدەرىنىڭ بارلىعى مەنىڭ ەسىمدە. وزبەكتىڭ ماقالى بار، «قازاقتان دوسىڭ بولسا، جولدان اداسپايسىڭ» دەگەن.

قازاقستان كوشباسشىسى قويى قورالاس، اۋىلى ارالاس بۇل ەلمەن مىزعىماس دوستىقتىڭ ورنى بولەك ەكەنىن جەتكىزدى.

نۇرسۇلتان نازاربايەۆ قازاقستان رەسپۋبليكاسىنىڭ پرەزيدەنتى:

- مى س يسلاموم ابدۋگانييەۆيچەم پودپيسالي دوگوۆور و ۆەچنوي درۋجبە ۋ ماۆزولەيا حودجي احمەدا ياساۆي ۆ 1998 گودۋ ي ناشي ۆزايمووتنوشەنيا ۆسەگدا وسنوۆىۆاليس نا ەتوم سوگلاشەنيي. كازاحستان ۆسەگدا بۋدەت س ۋزبەكسكيم نارودوم.

نۇرسۇلتان نازاربايەۆ قارا جامىلعان وتباسىعا كوڭىل ايتىپ، ورىنى تولماس قازا قازاق حالقىنا دا ورتاق ەكەنىن جەتكىزدى. تاعلىمى مول تاريحي كەزدەسۋدى تۇيىندەي كەلە ەلباسى وزبەكستان رەسپۋبليكاسى پرەزيدەنتىنىڭ مىندەتىن ۋاقىتشا اتقارۋشى شاۆكات ميرزيەيەۆپەن دە كەزدەستى. باۋىرلاستىق بايلانىستى نىعايتۋ اياسىندا وردالى ويلار سارالاندى. تاراپتار سونداي-اق ەكىجاقتى قارىم-قاتىناستىڭ مەيلىنشە وزەكتى ماسەلەلەرىنە باسىمدىق بەردى.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

- يا پونيمايۋ چتو پەرەجيۆاەت نارود ۆاش. يا پريەحال ۆىرازيت سكورب سۆويۋ، ۆەليكوە ۋۆاجەنيە ەتومۋ ۆىدايۋششەمۋسيا سىنۋ ۋزبەكسكوگو نارودا. مى دولجنى ۋكرەپليات وتنوشەنيا.

شاۆكات ميرزيەيەۆ، وزبەكستان رەسپۋبليكاسى پرەزيدەنتىنىڭ مىندەتىن اتقارۋشى:

- قۇرمەتتى نۇرسۇلتان ءابىش ۇلى نازاربايەۆ، تاعى دا سىزگە ءوز ريزاشىلىعىمدى بىلدىرگىم كەلەدى. وسى ءبىر قاسيەتتى كۇنى يسلام كاريم ۇلىنىڭ رۋحىنا تاعزىم ەتۋگە كەلگەنىڭىز ءۇشىن شەكسىز العىس بىلدىرەمىن.

كونەنىڭ كوزى سامارقاننىڭ سار دالاسىنا جاساعان قازاقستان پرەزيدەنتىنىڭ بۇل ساپارىنا الا تاقيالى اعايىندار رياسىز ريزاشىلىق ءبىلدىرىپ، قازاقستان مەن وزبەكستان تاتۋ كورشىلىگىن دامۋدىڭ جاڭا ساتىسىنا كوتەرىپ، الىس-بەرىس پەن بارىس-كەلىستى ارتىرا تۇسۋگە ايرىقشا ىقىلاس تانىتتى.