تۇركيانىڭ ۆان شاھارىندا جارىلىستان جارالانعاندار سانى 48-گە جەتتى. ەكى ادامنىڭ جاعدايى وتە اۋىر دەپ باعالانۋدا. وسىعان دەيىن 11 ادامنىڭ جاراقات العانى حابارلانعان. جارىلىس دۇيسەنبى كۇنى تاڭەرتەڭ ورىن الدى، - دەپ حابارلايدى Qamshy.kz centralasian.org - كە سىلتەمە جاساپ.

جەرگىلىكتى باق-تىڭ جازۋىنشا، جارىلعىش زات سالىنعان كولىك بيلىكتىڭ ادىلەت جانە دامۋ پارتياسىنىڭ ايماقتىق كەڭسەسىنىڭ جانىندا جارىلعان. وقيعا ورىن العان ماڭايدا پوليسيا بولىمشەسى دە ورنالاسقان. جاراقات العانداردىڭ ىشىندە ەكى پوليسيا قىزمەتكەرى دە بار.

ازىگە تەراكتىنىڭ ارتىندا كىم تۇرعانى بەلگىسىز. بىرەر كۇن بۇرىن تۇركيا بيلىگى كۇردتەر ورنالاسقان 28 اۋداننىڭ باسشىلىعىن قىزمەتتەرىنەن العان. جۇمىستان قۋىلعان شەنەۋنىكتەر كۇردىستان جۇمىسشىلار پارتياسىمەن بايلانىسى بار دەپ ايىپتالدى. اتالعان پارتيانى انكارا مەن ءبىرقاتار باتىس ەلدەرى تەرروريستىك ۇيىم دەپ ەسەپتەيدى.

بۇل وزگەرىستەر كۇرد حالقىنىڭ نارازىلىعىن تۋعىزعان.

سوڭعى ايلاردا تۇركيانىڭ وڭتۇستىك-شىعىسىندا جارىلىستار ءجيى ورىن الۋدا. ەل بيلىگى جارىلىستاردى كۇردىستان جۇمىسشىلار پارتياسى جاساپ وتىر دەپ سانايدى.