ق ر سىبايلاس جەمقورلىققا قارسى ءىس-قيمىل ۇلتتىق بيۋروسى الماتى وبلىسى اۋماعىنان «قورعاس ءىسى» بويىنشا حالىقارالىق ىزدەۋدە بولعان سوڭعى كۇدىكتى بەكبولات قايىربايەۆتى ۇستادى،- دەپ حابارلايدى Qamshy.kz  365info.kz - كە سىلتەمە جاساپ.

بۇل تۋرالى اتالعان ۆەدومستۆونىڭ باسپا ءسوز قىزمەتى حابارلادى.

تاراتىلعان اقپاراتقا قاراعاندا، ول ۇيىمداسقان قىلمىستىق توپتىڭ جەتەكشىسى تالعات قايىربايەۆتىڭ تۋعان باۋىرى.  بەكبولات قايىربايەۆ ۇيىمداسقان قىلمىستىق توپ مۇشەلەرىنە قاتىستى قىلمىستىق قۋدالاۋدى توقتاتۋ ماقساتىندا قۇقىق قورعاۋ ورگاندارىنداعى جوعارى لاۋازىمدى تۇلعالاردى ساتىپ الۋ جوسپارىن جۇزەگە اسىرۋدا بايلانىستىرۋشى بۋىن بولعان.

اعاسىنىڭ تاپسىرماسىمەن ارەكەت ەتكەن ول، تانىستارى م.زيمانوۆ، ۋ.اۋباكىروۆ، قۇسمانوۆ پەن ر.ءجۇسىپوۆ ارقىلى لاۋازىمدى تۇلعالارعا 3،2 ملن. دوللار پارا بەرگەن. ولار ءوز كەزەگىندە تالعات قايىربايەۆتى قىلمىستىق جاۋاپكەرشىلىكتەن بوساتۋى ءتيىس بولعان.

بەكبولات قايىربايەۆقا 2012 جىلدىڭ ناۋرىزىنان باستاپ ىزدەۋ جاريالانعان.

قازىرگى ۋاقىتتا ول تالدىقورعان قالالىق ىشكى ىستەر باسقارماسىنىڭ ۋاقىتشا وقشاۋلاعىشىنا قامالدى.

ايتا كەتەرلىگى،  ق ر سىبايلاس جەمقورلىققا قارسى ءىس-قيمىل ۇلتتىق بيۋروسى «قورعاس ىسىنە» قاتىسى بار ۇيىمداسقان قىلمىستىق توپتىڭ ىزدەۋدە بولعان بارلىق مۇشەلەرىن ۇستادى.

ەسكە سالا كەتەلىك، «قورعاس ءىسى» بويىنشا 45 ادام سوتتى بولعان. ولاردىڭ 43ء-ى قاماۋعا الىنعان. ايىپتالۋشىلاردىڭ كوبى كەدەن قىزمەتىنىڭ ايماقتىق ورگاندارى مەن ۇلتتىق قاۋىپسىزدىك كوميتەتىندە جوعارى لاۋازىمدى شەنەۋنىكتەر بولعان.

سوت پىكىرى بويىنشا، ۇيىمداسقان قىلمىستىق توپ ۇزاق ۋاقىت بويى قىتايدان قازاقستانعا كونتراباندالىق جولمەن تاۋارلار وتكىزىپ وتىرعان. ءىس ماتەريالدارىندا اتالعان قاۋىمداستىقتىڭ «اسا ءىرى كولەمدە ەكونوميكالىق كونتراباندانى وتكىزگەنى» ايتىلعان.

بۇل ىستەگى باستى تۇلعالار — تالعات قايىربايەۆ باس بوستاندىعىنان 16 جىلعا، ال باقىت وتاربايەۆ 13 جىلعا ايىرىلدى.