قازاق فوتوجۋرناليستيكاسىنىڭ ارداگەرى نۇرعوجا جۇبانوۆ دۇنيەدەن ءوتتى، - دەپ حابارلايدى Qamshy.kz.

ن.جۇبانوۆ 1929 جىلى، اقپان ايىنىڭ 12ء-شى جۇلدىزىندا اتىراۋ وبلىسىندا دۇنيەگە كەلگەن.

1949-52 جىلدارى سوۆەت ارمياسى قاتارىندا اسكەري مىندەتىن وتەگەن.
1956 – 1961جىلدار ارالىعىندا س.م.كيروۆ اتىنداعى (قازىرگى ءال-فارابي اتىنداعى) قازاق مەملەكەتتىك ۋنيۆەرسيتەتىن جۋرناليست ماماندىعى بويىنشا اياقتاعان.

1961 – 2000 جىلدار ارالىعىندا رەسپۋبليكالىق «قازاقستان ايەلدەرى»، «شالقار»، «قازاق ەلى»، «زامان قازاقستان»، «ۇلان» گازەتتەرىندە ءفوتوتىلشى قىزمەتىن اتقارعان. 

تانىمال فوتوجۋرناليست نۇرعوجا جۇبانوۆ تۇسىرگەن فوتوسۋرەتتەر كەڭەستىك داۋىردە ەلىمىزدىڭ گازەت-جۋرنالدارىندا جانە شەتەل باسپاسوزىندە ءجيى جاريالانىپ وتىردى. ءار جىلداردا ماسكەۋ، كانادا (مونەرەال)، جاپونيادا (وسوكو) وتكەن كوركەمسۋرەت كونكۋرستارىنا قاتىسىپ فوتوجۇمىستارى جوعارى باعالانعان.

1989 جىلى ماسكەۋدە وتكەن كسرو فوتوسۋرەتشىلەر وداعىنىڭ سەزىندە قازاقستان فوتوسۋرەتشىلەر وداعىنىڭ ءبىرىنشى حاتشىسى بولىپ تاعايىندالعان. 

ن.جۇبانوۆ ەلىنە سىڭىرگەن ەڭبەگى ءۇشىن كسرو ەڭبەك مەدالىمەن، قازاقستان جوعارعى كەڭەسى گراموتاسى جانە قۇرمەت گراموتالارىمەن ماراپاتتالدى.

ول كسرو جۋرناليستەر وداعىنىڭ مۇشەسى، قازاقستان جۋرناليستەر وداعى سىيلىعىنىڭ لاۋرەاتى. قازاقستاننىڭ مادەنيەت قايراتكەرى. 

ءومىرىنىڭ سوڭعى كۇندەرىنە دەيىن «فوتوونەر» قوعامدىق بىرلەستىگىنىڭ، اقىلداستار القاسىنىڭ ءتوراعاسى رەتىندە جاستارعا اقىل-كەڭەس، ۇلگى – ونەگە تاجىريبەلەرىمەن ءبولىسىپ كەلدى.