تالعات دوناقوۆ ق ر پرەزيدەنتى اكىمشىلىگى باسشىسىنىڭ ورىنباسارى بولىپ تاعايىندالدى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.

«تالعات سوۆەتبەك ۇلى دوناقوۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى بولىپ تاعايىندالسىن»، - دەلىنگەن پرەزيدەنت جارلىعىندا.

تالعات دوناقوۆ 1965 جىلى سەمەي وبلىسىندا تۋدى.

س.م. كيروۆ اتىنداعى قازاق مەملەكەتتىك ۋنيۆەرسيتەتتى، كسرو (ماسكەۋ ق.) عىلىم اكادەمياسىنىڭ مەملەكەت جانە قۇقىق ينستيتۋتىنىڭ اسپيرانتۋراسىن ءبىتىردى، زاڭگەر-قۇقىقتانۋشى، زاڭ عىلىمىنىڭ كانديداتى.
1991-1992 ج. - فيلوسوفيا جانە قۇقىق ينستيتۋتىنىڭ، قازاقستاننىڭ مەملەكەت جانە قۇقىق اكادەمياسىنىڭ عالىم حاتشىسى.
1992-1994 ج. - قازاقستان رەسپۋبليكاسىنىڭ جوعارعى كەڭەس اپپاراتى ءتوراعاسىنىڭ كەڭەسشىسى، ءبولىم مەڭگەرۋشىسىنىڭ ورىنباسارى.
1994-2000 ج. - قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك-قۇقىقتىق ءبولىمىنىڭ، زاڭ جۇيەسىنىڭ كەڭەسشى، سەكتور مەڭگەرۋشىسى، مەڭگەرۋشىنىڭ ورىنباسارى، مەڭگەرۋشىنىڭ ءبىرىنشى ورىنباسارى، زاڭ شىعارۋ ماسەلەلەرى جانە قۇقىقتىق ساراپتاما ءبولىمىنىڭ مەڭگەرۋشىسى.
2000-2002 ج. - قازاقستان رەسپۋبليكاسىنىڭ ادىلەت ءمينيسترىنىڭ ءبىرىنشى ورىنباسارى.
2002-2004 ج. – قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك-قۇقىقتىق ءبولىمىنىڭ مەڭگەرۋشىسىنىڭ ءبىرىنشى ورىنباسارى.
2004-2008 ج. - قازاقستان رەسپۋبليكاسى پرەزيدەنتى اكىمشىلىگىنىڭ زاڭ شىعارۋ ماسەلەلەرى جانە قۇقىقتىق ساراپتاما ءبولىمىنىڭ مەڭگەرۋشىسى، قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك-قۇقىقتىق ءبولىمىنىڭ مەڭگەرۋشىسى.

2008-2015 ج.  - قازاقستان رەسپۋبليكاسى پرەزيدەنتى اكىمشىلىگىنىڭ باسشىسىنىڭ ورىنباسارى.
2015 جىلدىڭ 11 جەلتوقسانىندا مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ مەملەكەتتىك قىزمەت ىستەرى ءمينيسترى بولىپ تاعايىندالدى.