بەرىك يماشيەۆ ق ر ورتالىق سايلاۋ كوميسسياسىنىڭ ءتوراعاسى بولىپ تاعايىندالدى، دەپ حابارلايدى اقوردانىڭ باسپا ءسوز قىزمەتى.

«بەرىك ءماجيت ۇلى يماشيەۆ قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى بولىپ تاعايىندالسىن»، - دەپ جازىلعان پرەزيدەنت جارلىعىندا.

بەرىك ءماجيت ۇلى يماشيەۆ 1960 جىلى 7 ماۋسىمدا الماتى وبلىسىندا دۇنيەگە كەلگەن.

1982 ج. ميحايل لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن.

ۋنيۆەرسيتەتتى ءتامامداعاننان كەيىن اۋداندىق پروكۋروراتۋرانىڭ تەرگەۋشىسى بولعان.

قازاق كسر پروكۋرورى جانىنداعى اسا ماڭىزدى ىستەر جونىندەگى تەرگەۋشى، اۋدان پروكۋرورى.

قازاقستان رەسپۋبليكاسى باس پروكۋراتۋراسىنىڭ باسقارما باستىعى.

الماتى قالاسى پروكۋرورىنىڭ ءبىرىنشى ورىنباسارى قىزمەتتەرىن اتقارعان.

1994-1997 جج. «قازكوممەرسبانك» اكسيونەرلىك بانكىنىڭ باسقارما ءتوراعاسىنىڭ ورىنباسارى.

قازاقستان رەسپۋبليكاسى مەملەكەتتىك مۇلىك باسقارماسى جونىندەگى كوميتەتى ءتوراعاسىنىڭ ورىنباسارى.

سالىق پوليسياسى باسقارماسىنىڭ باستىعى — قازاقستان رەسپۋبليكاسى مەملەكەتتىك سالىق كوميتەتى ءتوراعاسىنىڭ ورىنباسارى.

1997 ج. مامىر — 1998 ج. ءساۋىر ارالىعىندا جەكە زاڭ فيرماسىنىڭ باسشىسى.

1998-1999 جج. قازاقستان رەسپۋبليكاسى پرەزيدەنتىنىڭ كومەكشىسى.

قازاقستان رەسپۋبليكاسىنىڭ شاعىن بيزنەستى قولداۋ جونىندەگى اگەنتتىگىنىڭ ءتوراعاسى.

1999-2000 جج. قازاقستان رەسپۋبليكاسىنىڭ تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى.

2001-2003 جج. «نەفتەكونسالتينگ» جاق پرەزيدەنتى.

2003-2005 جج. قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى.

2005 ج. مامىر-قازان ايلارى ارالىعىندا «شاعىن كاسىپكەرلىكتى دامىتۋ قورى» اق باسقارماسى ءتوراعاسىنىڭ قىزمەتىن اتقاردى.

2005 ج. قازان ايىنان 2007 ج. قاڭتارىنا دەيىن قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولىپ قىزمەت اتقاردى.

12 قاڭتار 2007 جىلى - قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.

2008 جىلدىڭ اقپانىنان تامىزىنا دەيىن - قازاقستان رەسپۋبليكاسى پرەزيدەنتىنىڭ كومەكشىسى-قازاقستان رەسپۋبليكاسى قاۋىپسىزدىك كەڭەسىنىڭ حاتشىس

2012 جىلى 20 ناۋرىزىنان بۇگىنگە دەيىن – قازاقستان رەسپۋبليكاسى ادىلەت ءمينيسترى.