ق ر پرەزيدەنتى نۇرسۇلتان نازاربايەۆتىڭ جارلىعىمەن قايرات قوجامجاروۆ ق ر مەملەكەتتىك قىزمەت ىستەرى اگەنتتىگىنىڭ ءتوراعاسى قىزمەتىنە تاعايىندالدى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.

«قايرات پەرنەش ۇلى قوجامجاروۆ قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى بولىپ تاعايىندالسىن»، - دەپ جازىلعان پرەزيدەنت جارلىعىندا.

قايرات پەرنەش ۇلى قوجامجاروۆ – 1965 جىلى جامبىل وبلىسىندا دۇنيەگە كەلگەن.

1987 جىلى جدانوۆ اتىنداعى لەنينگراد مەملەكەتتىك ۋنيۆەرسيتەتىن بىتىرگەن.
1987-1995 جىلدارى – جامبىل قالاسىنىڭ جانە جامبىل وبلىسىنىڭ پروكۋراتۋرا ورگاندارىندا قىزمەتتە بولدى.
1995-1997 جىلدارى – قورعاس كەدەنىندە كونترابانداعا جانە كەدەن ءتارتىبىن بۇزۋشىلىققا قارسى كۇرەستى ۇيىمداستىرۋ ءبولىمىنىڭ ينسپەكتورى-تەرگەۋشىسى، ەكسپورتتىق-يمپورتتىق وپەراسيالاردى باقىلاۋ جونىندەگى ءبولىم باستىعى.
1997-1998 جىلدارى - قورعاس كەدەنى باستىعى ورىنباسارىنىڭ مىندەتىن اتقارۋشى.
1998-1999 جىلدارى – «وزون-يسلام» ج ش س قارجى ديرەكتورى.
1999-2001 جىلدارى – قازاقستان رەسپۋبليكاسىنىڭ مەملەكەتتىك كىرىس مينيسترلىگى سالىق پوليسياسى كوميتەتى باس تەرگەۋ باسقارماسىنىڭ اسا ماڭىزدى ىستەر جونىندەگى اعا تەرگەۋشىسى، باسقارما باستىعىنىڭ ءورىنباسارى-بولىم باستىعى، باسقارما باستىعى ورىنباسارىنىڭ مىندەتىن اتقارۋشى.
2001-2002 جىلدارى – قازاقستان رەسپۋبليكاسى قارجى پوليسياسى اگەنتتىگىنىڭ تەرگەۋ جانە انىقتاۋ دەپارتامەنتى تەرگەۋ باسقارماسىنىڭ باستىعى.
2002-2004 جىلدارى – الماتى قالاسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى (قارجى پوليسياسى) باستىعىنىڭ ورىنباسارى.
2004-2007 جىلدارى – اقتوبە وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ (قارجى پوليسياسى) باستىعى.
2007-2008 جىلدارى – قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليسياسى) ءتوراعاسىنىڭ ورىنباسارى.
2008-2012 جىلدارى – قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليسياسى) ءتوراعاسى.
2012-2013 جىلدارى – اقمولا وبلىسىنىڭ اكىمى.
2013 جىلعى قاڭتار – 2014 جىل – مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى-قاۋىپسىزدىك كەڭەسىنىڭ حاتشىسى بولىپ تاعايىندالدى.
2014 جىلدىڭ 6 تامىزىنان باستاپ قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى.
2015 جىلدىڭ 11 جەلتوقسانىنان باستاپ قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ءتوراعاسى.