گەرمانيادا تەراكت جاساماق بولعان سيريالىقتار ۇستالدى، - دەپ حابارلايدى Qamshy.kz.
«ءبي-بي-سيدىڭ» حابارلاۋىنشا، تۇتقىندالعان سيريالىقتاردىڭ يگيل تەرروريستىك ۇيىمىنا قاتىسى بولعانى انىقتالعان.
شلەزۆيگ-گولشتەين جانە تومەنگى ساكسونيا فەدەرالدى جەرلەرىندە ۇستالعان ەر ادامدار 17،18 جانە 26 جاستا بولعان.
قولعا تۇسكەن كۇدىكتىلەر 2015 جىلدىڭ كۇزىندە گەرمانياعا تۇركيا مەن گرەكيا ارقىلى جاساندى تولقۇجاتپەن ءوتىپ كەتكەن.
Spiegel باسىلىمىنىڭ جازۋىنشا، گەرمانيانىڭ سىرتقى ىستەر ءمينيسترى توماس دە مەزەردىڭ مالىمدەۋىنشە، ۇستالعان سيريالىقتاردىڭ پاريج تەراكتىلەرىنە قاتىسى بار.
ۆەدومستۆونىڭ مالىمەتىنشە، قولعا تۇسكەن بۇل سيريالىقتار مەن وتكەن جىلعى كۇزدە پاريجدە تەراكت جاساعاندار اراسىندا بايلانىس بار. سەبەبى ولاردىڭ بارلىعىنىڭ جاساندى ءتولقۇجاتتارى ءبىر جەردەن شىعارىلعانى انىقتالعان.
