نۇرلان ەرمەكبايەۆ ق ر ءدىن ىستەرى جانە ازاماتتىق قوعام ءمينيسترى قىزمەتىنە تاعايىندالدى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.

"نۇرلان بايۇزاق ۇلى ەرمەكبايەۆ قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى قىزمەتىنەن بوساتىلسىن"، - دەلىنگەن پرەزيدەنت جارلىعىندا.

نۇرلان بايۇزاق ۇلى ەرمەكبايەۆ 1963 جىلى تۋعان.

1986 جىلى كسرو قورعانىس مينيسترلىگىنىڭ ماسكەۋدەگى اسكەري قىزىلتۋلى ينستيتۋتىنىڭ شىعىس تىلدەرى فاكۋلتەتىن ءتامامداعان.

1996 جىلى قازاق مەملەكەتتىك ساۋلەت-قۇرىلىس اكادەمياسىنىڭ ەكونوميكا فاكۋلتەتىن بىتىرگەن.

ورىس، جۇڭگو، اعىلشىن جانە پورتۋگال تىلدەرىن مەڭگەرگەن. ساياسي عىلىمدار كانديداتى.

ءى سىنىپتى توتەنشە جانە وكىلەتتى ۋاكىل ديپلوماتيالىق رانگى بار.

1984-1985 ج.ج.  – انگولا حالىق رەسپۋبليكاسىندا قىزمەتتىك ءىسساپاردا بولدى.

1986-1996 ج.ج. – كسرو قارۋلى كۇشتەرى باس شتابى جۇيەسىندەگى بولىمدەردە قىزمەت ەتتى.

1991 ج. كسرو قك قاتارىنان بوساتىلعان سوڭ سىرتقىەكونوميكالىق كومپانيالاردى باسقارعان.

1993-1995 ج.ج. – قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى ساۋدا وكىلدىگىنىڭ اعا ساراپشىسى.

1996-1997ج.ج. – اۆسترياداعى قازاق ساۋدا ءۇيىنىڭ الماتى وكىلدىگىنىڭ ديرەكتورى.

1995-1996 ج.ج. – الماتى ساۋدا-قارجى بانكى باسقارما ءتوراعاسىنىڭ كەڭەسشىسى.

1997-1999 ج.ج. – «يۋنيتەك لتد» ج ش س ديرەكتورى.

1999-2001 ج.ج. – «قازاقستاننىڭ حالىق بانكى»  ااق-نىڭ جۇڭگو حالىق رەسپۋبليكاسىنداعى وكىلدىگىنىڭ باسشىسى.

2001-2003 ج.ج. – قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى ەلشىلىگىنىڭ كەڭەسشىسى.

2003-2004 ج.ج. – قازاقستان رەسپۋبليكاسىنىڭ سينگاپۋرداعى ۋاقىتشا سەنىمدى وكىلى (ديپميسسيا باسشىسى).

2004-2006 ج.ج. – قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى.

2006-2007 ج.ج. – قازاقستان رەسپۋبليكاسى پرەزيدەنتىنىڭ كەڭەسشىسى – قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى.

2007-2010 ج.ج. – قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى.

2010-2012 ج.ج. – قازاقستان رەسپۋبليكاسى پرەزيدەنتىنىڭ كومەكشىسى.

2012-2014 ج.ج. – قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى توتەنشە جانە وكىلەتتى ەلشىسى.

2012-2013 ج.ج. – قازاقستان رەسپۋبليكاسىنىڭ ۆەتنام سوسياليستىك رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى.

2012-2014 ج.ج. – قازاقستان رەسپۋبليكاسىنىڭ كورەيا حالىقتىق دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى.

2014 جىلدىڭ قاراشاسىندا مەملەكەت باسشىسىنىڭ جارلىعىمەن پرەزيدەنتتىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى بولىپ تاعايىندالدى.

ديپلوماتيالىق رانگى – توتەنشە جانە وكىلەتتى ەلشى.