ورتا سالماقتاعى بىرنەشە تيتۋلدىڭ يەگەرى، قازاقستاندىق گەنناديي گولوۆكين وسى سالماقتاعى WBO چەمپيونى ۇلىبريتانيالىق بيللي دجو سوندەرستىڭ شاقىرتۋىنا جاۋاپ بەردى، - دەپ حابارلايدى  Qamshy.kz Vesti.kz سىلتەمە جاساپ.

ەستەرىڭىزگە سالساق، ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەنناديي گولوۆكين جارتىلاي ورتا سالماقتا IBF نۇسقاسى بويىنشا الەم چەمپيونى ۇلىبريتانيالىق كەلل برۋكتى بەسىنشى راۋندتا نوكاۋتپەن جەڭدى. 

"گەنناديي گولوۆكين، سەن دايىن بولعاندا، مەن دە دايىن بولامىن. ءبىراق ەشقانداي دا ورتا سالماق تۋرالى اڭگىمە بولمايدى. ەستىپ تۇرسىڭ با؟"، - دەپ جازدى سوندەر پاراقشاسىندا. سونىمەن قاتار، بۇل جازبانى قالدىرعاندا ۇلىبريتانيالىق بوكسشى boreRat تىركەسىن قولدانىپتى. وسىلايشا سوندەرس "بورات" ءفيلمىن ەسىنە الىپ، گولوۆكيننىڭ نامىسىنا تيمەك بولعان.

"مەن سوندەرسپەن جۇدىرىقتاسقىم كەلەدى جانە مەن بارلىق قارسىلاسىما اشىقپىن. مەنىڭ ويىمشا ول دايىن. بۇل بيزنەس. سوندەرس كوپ سويلەيدى. بۇل ارينە تەلەكورسەتىلىم جانە جانكۇيەرلەر ءۇشىن وتە جاقسى. نەگە جوق دەيمىن؟ - دەدى گولوۆكين Sky Sports باسلىمىنا بەرگەن سۇحباتىندا.

"گەننادييدىڭ كەلەسى جەكپە-جەگى قاراشا نەمەسە جەلتوقسان ايلارىندا وتەدى. ونىڭ كەلەسى قارسىلاسى باسەكەلەسۋگە قابىلەتتى، برۋك سەكىلدى بولۋى ءتيىس. سوندەرس؟ مۇمكىن. فاناتتار سونداي تارتىستى جەكپە-جەكتى تاماشالاۋعا لايىقتى. يۋبەنك؟ مۇنداي كەزدەسۋ دە مۇمكىن، الايدا بۇل پروموۋتەرلەرگە بايلانىستى، كريستىڭ ءوزى جانە اكەسى كەلىسە الادى ما. لوندونعا قايتىپ كەلسەك تاماشا بولار ەدى، مۇنداي شۋلى قولداۋمەن سوندەرس  نەمەسە دي گەيلمەن كەزدەسۋ ۇيىمداستىرۋعا بولادى"، - دەدى سانچەس iFL TV ارناسىنا بەرگەن سۇحباتىندا.

قازاقستاندىق بوكسشىنىڭ پروموۋتەرى توم لەففلەردىڭ ايتۋىنشا، ەگەر ولار دجەيكوبسپەن كەلىسە الماسا، ولار سوندەرسپەن جەكپە-جەك ۇيىمداستىرۋعا كىرىسپەك.