ادىلەت ءمينيسترى بەكەتايەۆتىڭ جەتى جىل بۇرىنعى "قىلمىسى" قايتا ءسوز بولۋدا (ۆيدەو)

/uploads/thumbnail/20170709070054912_small.jpg

مارات بەكەتاۆ 2009 جىلى ادىلەت ۆيسە-مينيسترى قىزمەتىن اتقارعان.  وسى كەزدە قازىرگى ءمينيسترى بەكەتاۆ ماس كۇيىندە كولىك جۇرگىزگەنى ءۇشىن جاۋاپقا تارتىلعان.

بۇل وقيعانىڭ سوت پروسەسى كتك ارناسىنىڭ ارحيۆىندە ساقتالعان.

2009 جىلدىڭ 19 ماۋسىمىندا  استانانىڭ جول ساقشىلارى كولىكتى ماس كۇيىندە جۇرگىزدى دەپ سول كەزدەگى ادىلەت ۆيسە-مينيسترى مارات بەكەتاۆتىڭ كولىگىن توقتاتقان. 

بۇل كەزدە جاپوندىق كولىكتە وتىرعان مارات بەكەتايەۆ باعدارشامنىڭ رۇقسات ەتىلمەگەن بەلگىسىنە قارسى ءجۇرىپ، جىلدامدىعىن ارتتىرعان. ونىمەن قويماي، كوشەدە اشىق جاتقان كارىزدەردىڭ قاقپاعىن باسىپ-جانشىپ، باسقا كولىكتەرگە دە ءقاۋىپ توندىرگەن.

باسىندا جول ساقشىسىنا ىشىمدىك ىشكەنىن مويىنداعان ۆيسە-مينيستر ناركولوگيالىق ديسپانسەردە ساراپتاما جاساتۋعا قارسىلىق تانىتقان. 
الايدا 2009 جىلدىڭ شىلدەسىندە استانا قالاسى اۋدانارالىق سوتىنىڭ سۋدياسى اندرەي ديگانت  سوت ءىسىن توقتاتۋ تۋرالى شەشىم شىعارعان. ياعني ۆيسە-مينيستر  كىناسىز دەپ تانىلعان.

وسىنداي ورەسكەل قاتەلىكتەرگە جول بەرگەن مارات بەكەتايەۆ مانساپ جولىندا ەشقانداي قيىندىق كورگەن ەمەس. كەرىسىنشە جىلدام «ءوسىپ» وتىر.
2010 جىلعا دەيىن ادىلەت ۆيسە-مينيسترى بولسا، ودان كەيىن بەس جىل اتالعان ۆەدومستۆونىڭ جاۋاپتى حاتشىسى بولدى. 2015 جىدىڭ جەلتوقسانىنان باستاپ پرەزيدەنت اكىمشىلىگىنىڭ جەتەكشىسىنىڭ ورىنباسارى بولسا، ەندى مىنە جاڭا قىزمەتكە تاعى جايعاستى. 

 

پىكىر قالدىرۋ

قاتىستى ماقالالار