Qamshy.kz رەداكسياسىنا قىزىلوردا وبلىسى بايقوڭىر قالاسىنان حابارلاسقان الماز تۇرعانبايەۆ دەگەن ازامات ءىىم-نىڭ بايقوڭىر قالاسىنداعى وكىلدىگىندە ءبىرقاتار بىلىقتىڭ بارىن ايتىپ وتىر. ايتۋىنشا تىكەلەي مينيسترلىككە باعىناتىن وكىلدىك باسشىلىعى قىزمەتكەرلەردى الالاپ، نەگىزسىز قۋدالايتىن كورىنەدى.
«بالا كەزدەگى ارمانىم ورىندالىپ، 2007 جىلى قوستاناي قالاسىنداعى ءىىم-نىڭ زاڭ ينستيتۋتىن ءتامامداپ، بايقوڭىر قالاسىنا قىزمەتكە كەلدىم. ءىىم-نىڭ وسىنداعى وكىلدىگىنىڭ كريمينالدىق پوليسيا بولىمىنە جەدەل ۋاكىل بولىپ ورنالاسىپ، اعا جەدەل ۋاكىل لاۋازىمىنا دەيىن ءوستىم. الماتىدا لاڭ سالعان ر. كۇلىكبايەۆتىڭ كەسىرىنەن لاۋازىمىمنان الىنىپ، رەزەرۆتە ءجۇرمىن»، - دەيدى ا. تۇرعانبايەۆ.
ايتۋىنشا، باسشىلىق كۇلىكبايەۆ قىرعىنىنا دەيىن-اق قۇپيالىق رەجيمىنە جاۋاپتى اعا جەدەل ۋاكىل لاۋازىمىندا جۇرگەن ا. تۇرعانبايەۆتى قىرىنا العان كورىنەدى.
«وتان قورعاۋشىلار كۇنى قارساڭىندا سالتاناتتى شەرۋگە دايىندىققا كەلمەي قالعانىم ءۇشىن قىزمەتتىك تەكسەرىس تاعايىنداپ، تارتىپتىك كوميسسيادا «قىزمەتىنە تولىق ەمەس سايكەستىك» تۇرىندەگى تارتىپتىك جازا قولداندى. قىزمەتتىك تەكسەرىس تە بەلگىلەنگەن تارتىپتەردى بۇزا وتىرىپ جۇرگىزىلدى. ق ر ءىىم بايقوڭىر قالاسىنداعى وكىلدىگىنىڭ باستىعى پوليسيا پولكوۆنيگى ىرىسبەك يسايەۆ پەن ونىڭ ورىنباسارى پوليسيا پولكوۆنيگى باقىتجان قۇراقبايەۆ وزدەرىنىڭ قىزمەتتىك بابىن اسىرا پايدالانىپ، ب. قۇراقبايەۆ ءوزىنىڭ جەكە جەك كورۋشىلىك جانە ىزگە ءتۇسۋى سالدارىنان، مەنىڭ ۇستىمنەن زاڭسىز قارالاۋ قۇجاتتارىن جيناقتاپ، جۇمىستان بوساتۋ ماسەلەسىنە قاتىستى الاڭدايمىن، سول سەبەپتى ونىڭ ۇستىنەن شاعىمدانۋعا بەل بۋىپ وتىرمىن، ءوزىم وكىلدىكتە قىزمەت اتقارۋ بارىسىندا، بىردە-بىر باسشىنىڭ جانە ونىڭ ورىنباسارلارىنىڭ نۇسقاۋلارىنا نەمەسە بۇيرىقتارىنا قارسى كەلمەگەن وتانشىل قىزمەتكەرمىن دەپ ەسەپتەيمىن. 05.05.2016 جىلى ب. قۇراقبايەۆتىڭ باياناتىمەن ماعان قاتىستى جالا-جاۋىپ، جاساندى جيناقتالعان تەكسەرىس قۇجاتتارى قىزىلوردا وبلىستىق ىىد-مەن مۇقيات زەردەلەنىپ، 2016 جىلدىڭ ماۋسىم ايىنىڭ شاماسىندا ماعان قاتىستى جازا تاعايىندالعان، وسى تەكسەرىستى جۇرگىزۋ بارىسىندا وكىلدىكتىڭ باسشىلىعى ب. قۇراقبايەۆ بارلىق قىزمەتتىك تەكسەرۋ پروسەسسىنە ءاردايىم قاتىسىپ وتىرعان، الايدا ق ر قۇقىق قورعاۋ ورگاندارى تۋرالى زاڭىنىڭ 58 بابى 2 تارماعىندا «قىزمەتتىك تەكسەرۋ بارىسىنا جالپى ونىڭ قورتىندىسىنا مۇددەلى جاقتار قاتىسۋعا بولمايتىندىعى، سونىمەن قاتار بۇل تالاپتار ورىندالماسا قىزمەتتىك تەكسەرۋ ناتيجەلەرى زاڭسىز بولاتىندىعى» انىق كورسەتىلگەن»، - دەيدى ا. تۇرعانبايەۆ.
ا. تۇرعانبايەۆ باسشىلىق وزىنە قاتىستى ىلىك ىزدەپ، ءتىپتى ۇلتشىلدىق يدەياسىمەن ۋلانعان، سالافيت دەۋگە دەيىن دە بارعانىن ايتادى.
«جۇمىس بولمەمدە ءبىر قاعازعا جازىلعان «قازاقيا» ءسوزى ءۇشىن ۇلتشىل اتاندىم. ر. كۇلىكبايەۆتى بولىمشەگە شاقىرىپ، سۇحبات جۇرگىزگەندە ارابشا وقيتىنىنا كوز جەتكىزۋ ءۇشىن، ءوزىم بىلەتىن توتە جازۋدا قاعازعا جازۋ جازىپ، وقىتتىم. سول قاعازدى كورىپ الىپ، باسشىلىق مەنى ۋاححابيت، سالافيت دەۋگە دەيىن باردى. قايتا قىزىلوردا وبلىستىق ىىد-دەگىلەر مەنىڭ باسشىلىعىمنىڭ بايانداعان جالالارىنا لايىقتى جاۋاپ بەرىپ، بۇل جەردە ەشقانداي زاڭعا قايشىلىق جوقتىعىن ايتتى»، - دەيدى قۋعىن كورگەن پوليسيا قىزمەتكەرى.
ا. تۇرعانبايەۆ قىزمەتكە ورنالاستىرۋ، لاۋازىمدارعا تاعايىنداۋ ماسەلەلەرىندە دە وكىلدىك باسشىلىعى وزىمبىلەمدىككە كوپ سالىناتىن كورىنەدى. تىكەلەي مينيسترلىككە باعىناتىندارىن ايتىپ، وبلىستىق ءىىد-نىڭ تالاپتارىنا قۇلاق اسپايدى ەكەن. تۇرعانبايەۆ زاڭعا ساي وبلىسقا جازعان شاعىمدارىنىڭ قاراۋسىز قالۋىنىڭ سەبەبىندە وسىمەن تۇسىندىرەدى.
ال، لاۋازىمىنان الىنۋىنا نەگىزگى سەبەپ الماتىدا قاندى قىرعىن ۇيىمداستىرعان رۋسلان كۇلىكبايەۆ بولعان. ايتۋىنشا، ر. كۇلىكبايەۆتىڭ بايقوڭىر قالاسىنان الماتىعا كەتىپ قالۋىنا ا. تۇرعانبايەۆتى كىنالى دەپ شەشكەن.
«بىرىنشىدەن، بايقوڭىر قالاسى رەسەي فەدەراسياسىنىڭ اۋماعى بولىپ سانالادى. قالاعا كىرىپ، شىعۋ ماسەلەسى دە سولاردىڭ قۇزىرىندا. ەكىنشىدەن، ر. كۇلىكبايەۆتىڭ قالادان شىعۋىنا ءبىز زاڭ تۇرعىسىنان تىيىم سالا المايمىز. ونى وكىلدىك قىزمەتكەرلەرى تۇراقتى تۇردە شاقىرىپ، سۇحباتتاسىپ، تۋىستارىمەن دە سويلەسىپ ءجۇردى. الماتىعا بارىپ، ساۋدا-ساتتىقپەن اينالىسىپ جۇرگەنىن، تۇراقتى تۇردە ول جاققا كەتۋ ويى جوقتىعىن ايتقان. ءبىز وعان ەشقايدا شىقپا دەپ ايتساق، زاڭ بۇزعان بولامىز. پروكۋراتۋراعا شاعىمدانسا، ءبىزدى جاۋاپقا تارتادى»، - دەيدى پوليسەي.
«2016 جىلدىڭ ماۋسىم ايىنىڭ ورتاسىنا جۋىق مەن ەكسترەميزمگە قارسى كۇرەس توبىندا قىزمەت اتقارىپ، ونداعى ءوز قىزمەت سالامدى ۇيرەنۋگە دە بەلگىلى سەبەپتەرمەن قولىم تيگەن جوق، سەبەبى جوعارىدا ايتىلىپ كەتكەندەي مەنىڭ جانە ءبولىم باستىعىنىڭ ورىنباسارى ج. جاقىپوۆتىڭ ۇستىنەن بىرنەشە مارتە تەكسەرىس جۇرگىزىپ، ءۇش اي بويى (مامىر، ماۋسىم، شىلدە) ى.يسايەۆتىڭ ۇيىمداستىرعان قارالاۋ ارەكەتتەرىنە بايلانىستى جيناقتالعان قۇجاتتارمەن تانىسۋعا، ول بويىنشا تۇسىنىكتەمەلەر بەرۋگە جانە قىزىلوردا قالاسىنداعى وبلىستىق ىىد-گە التى مارتە بارۋمەن وتكىزدىك. بۇل رەتتە مۇلدەم قىزمەت اتقارۋعا مۇرشا بولعان جوق. جالپى 2016 جىلدىڭ ماۋسىم ايىنىڭ 24ء-ى مەن شىلدە ايىنىڭ 18ء-ى ارالىعىندا، ياعني مەن ەكسرەميزمگە قارسى كۇرەس توبىنا وتىرعان ۋاقىتتا مەنىڭ وندىرىسىمدە الماتىدا رەزونانس تۋعىزعان قىلمىستىق ارەكەتتەر جاساپ بىرنەشە پوليسيا قىزمەتكەرلەرىنىڭ ءومىرىن قيعان كۇلىكبايەۆ رۋسلان الپىسبايۇلىنا قاتىستى قۇجات بولاتىن، اتالعان قۇجات بويىنشا مەن ءبىر اي ىشىندە ر. كۇلىكبايەۆتىڭ اعاسى ن. كۇلىكبايەۆتان ونىڭ الماتى قالاسىنا بارىپ كەلىپ جۇرگەنىن جانە دە الماتى قالاسىندا ەكەنىنى انىقتاپ، كريمينالدىق پوليسيا ءبولىمىنىڭ باستىعىنىڭ ورىنباسارى پوليسيا مايورى ج. جاقىپوۆتىڭ نۇسقاۋىمەن قىزىلوردا وىىد-نە ەكسرەميزمگە قارسى كۇرەس باسقارماسىنا ەكى مارتە انىقتاما كۇيىندە حابارلاما جىبەرىلەن. الايدا، رەزونانستىق وقيعانىڭ ورىن العانىنان كەيىن، ى. يسايەۆ ءوز ۇستەمدىگىن كۇشەيتىپ، مەنى جانە ج. جاقىپوۆتى ىىم-گە قارالاۋ باياناتتارىن جازىپ، ءبىزدى قۋدالاي باستادى. ماسەلەن، وقيعا ورىن العان ساتتەن-اق ى. يسايەۆ ماعان «قىزمەتتەرىڭمەن قوش ايتىسا بەرىڭدەر، اقىرلارىن كەلدى» دەپ قالجىڭداپ، ءوزىنىڭ باستاپقى ۇيىمداستىرعان ماقساتتارىنا جەتكەنىنە ماقتانعان. جالپى ر. كۇلىكبايەۆتىڭ قىلمىستىق وقيعاسىنا قاتىستى 2016 جىلعى 26 شىلدە كۇنى مەنەن بولەك ج. جاقىپوۆتى، اعا جەدەل ۋاكىل ك. المانيازوۆتى جانە كەزەكشى ءبولىمىنىڭ ينسپەكتورى ءو. ەرمەكوۆتى «قىزمەت اتقارىپ وتىرعان لاۋازىمىنان بوساتۋ» جازاسمەن كادرلىق رەزەرۆكە قويعان بولاتىن. الايدا، ى. يسايەۆ ءبىزدىڭ اشۋىمىزدى قوزدىرۋ جانە ادىلەتسىزدىكتىڭ ۇستەم بولاتىنىن دالەلدەي وتىرىپ، الگى ك. المانيازوۆ پەن ءو. ەرمەكوۆتى وكىلدىكتىڭ شتاب جانە كەزەكشى ءبولىم ينسپەكتورى لاۋازىمدارىنا قايتا قىزمەتكە الدى. الايدا وكىلدىكتە الىدە بوس تۇرعان لاۋازىمدارعا مەنى جانە ج. جاقىپوۆتى الۋدان باس تارتىپ، كادرلىق رەزەرۆ ەرەجەلەرىن ورەسكەل بۇزىپ وتىر»، - دەيدى ا. تۇرعانبايەۆ.
قىزمەتتە قالاتىنىنان ءۇمىتىن ۇزگەن پوليسەي پوليسيا وكىلدىگىندەگى بولىپ جاتقان جاعدايلاردى اشىق جاريالاۋعا بەل بۋعان.
«ماعان تەك ءادىل شەشىم بولعانى كەرەك، وزىمدە قانداي-دا ءبىر امبيسيالار جوق، ورىن العان زاڭسىزدىق تۋرالى سىزدەرگە شاعىمدانۋعا بەل بۋدىم. شىدامىم تاۋسىلدى. ءوزىم قازاقستان رەسپۋبليكاسىنىڭ مەملەكەت قىزمەتكەرىنىڭ ار-نامىسىن جەرگە تاپتاتپاۋعا ءار قاشان دا مىندەتتەنەمىن. قازاقستان رەسپۋبليكاسىنداعى ادىلدىككە سەنىمىم زور. ى.م. يسايەۆ پەن ب. قۇراقبايەۆ وبلىس توڭىرەگىندە بەدەل-ابىرويى زور ەكەنىنىڭ جانە بىزدەرگە قاتىستى قىسىمنىڭ كۇننەن-كۇنگە ءورشۋىن ەسكەرە وتىرىپ، مۇندا كورسەتىلگەن لاۋازىمدى تۇلعالارعا قاتىستى تەكسەرىستى پوليسيانىڭ وزىندىك قاۋىپسىزدىك باسقارماسى ەمەس، ارنايى پروكۋرورلار نەمەسە سىبايلاس جەمقورلىققا قارسى ءىس-قيمىل قىزمەتى جۇرگىزۋى كەرەك دەپ سانايمىن»، - دەيدى ا. تۇرعانبايەۆ.
رەداكسيامىزعا حابارلاسىپ مۇڭىن شاققان ازاماتتىڭ ايتقاندارىن ىقشامداعانىمىز وسى بولدى. ا. تۇرعانبايەۆ ءوزىنىڭ قىزمەت ورنىندا بۇدان باسقا دا ءتارتىپ بۇزۋشىلىقتار، زاڭسىزدىقتار كوپ ەكەنىن ايتادى. ءوز تاراپىمىزدان، ەل تىنىشتىعى مەن زاڭ ۇستەمدىگىنىڭ قىراعى ساقشىلارىنىڭ قيىن دا جاۋاپتى قىزمەتىنە ەرەكشە قۇرمەتپەن قاراي وتىرىپ، پوليسيا باسشىلىعى وسى ماقالادا ايتىلعان جاعداياتتارعا قاتىستى قانداي دا ءبىر پىكىر ءبىلدىرىپ، ءتيىستى شارا قولدانادى دەگەن سەنىمدەمىز.
پىكىر قالدىرۋ