جيىرما بەس جاستاعى استانالىق بويجەتكەن ءوزىن اياۋسىز زورلاعانداردان ءوز بەتىنشە كەك الدى. بۇل تۋرالى Qamshy.kz nur.kz – كە سىلتەمە جاساپ حابارلايدى.
جيىرما بەس جاستاعى استانالىقتى بەلگىسىز بىرۋلەر قالانىڭ سىرتىنا ۇرلاپ اكەتىپ، ەكى كۇن بويى زورلاعان. ارەڭ دەگەندە سىتىلىپ قاشقان قىز وقيعا بويىنشا پوليسياعا مۇلدە حابارلاسپاعان. ولاردان ءوزى ءوش الماقشى بولىپتى.
بۇل تۋرالى پسيحولوگ ماريا فەدوروۆا ايتىپ بەرگەن.
«ءۇش اي بويى ءوزىن قورلاعانداردى اياۋسىز جازالاعان استانالىقپەن جۇمىس ىستەدىم. بويجەتكەن ءبىرىنىڭ وتباسىن ويرانداعان. قۇربىلارىنىڭ بىرىنە سول جىگىتتىڭ باسىن اينالدىرۋدى تاپسىرعان قىز، سۋرەتكە دە ءتۇسىرىپ الادى. عاشىقتاردىڭ ءتاتتى ءومىرىنىڭ كورىنىستەرىن جيناقتاپ، ءوزىن زورلاعان ەركەكتىڭ ايەلىنە جولدايدى.
ەكىنشىسىنىڭ ساياباعىن ورتەپ جىبەرەدى. ءۇشىنشىسىنىڭ قىمبات كولىگىنە قىشقىل شاشقان. ءوزىن رەنجىتكەندەردەن كەك الامىن دەپ جۇرگەن بويجەتكەن، قالاي قاتىگەز بولىپ كەتكەنىن دە بىلمەي قالادى. ماسەلەنى شەشۋ ءۇشىن پاتەرىن ساتىپ، الماتىعا قونىس اۋدارىپ كەتكەن. ءقازىر تۇرمىسقا شىققان، بالا كۇتىپ وتىر»، – دەيدى پسيحولوگ.
دارىگەر وزىنەن كومەك سۇراپ كەلۋشىلەر اراسىنان زورلانعاندار تەك سوڭعى ەكى جىلدا كوبەيگەنىن ايتادى.
«بۇرىن توپتىق زورلاۋدا بولعان ايەلدەر از كەلەتىن. ءقازىر ونداي ەمدەلۋشىلەرىم كوپ. مەن بۇعان قاراپ زورلاۋ قىلمىسى سوڭعى كەزدە كوبەيدى دەپ ايتا المايمىن. بۇرىندا دا بولعان. تەك ايەلدەر سوڭعى كەزدەرى ماماننىڭ كومەگىنە ءجيى جۇگىنەتىن بولعان»، – دەيدى دارىگەر.
دارىگەر ەلىمىزدە زورلانعان قىزدار ماسەلەسىن پوليسياعا ايتپاۋعا تىرىساتىنىن ايتادى. سەبەبى، بويجەتكەندەر وقيعانىڭ جايىلىپ كەتۋىنەن قورقادى ەكەن.
پىكىر قالدىرۋ