2016 جىلعى 14-17 قىركۇيەكتە قازاقستانعا بۇۇ-نىڭ جول قاۋىپسىزدىگىن قامتاماسىز ەتۋ بويىنشا ارنايى ەلشىسى جان تودت كەلەدى، - دەپ حابارلايدى Qamshy.kz قازاقپاراتقا سىلتەمە جاساپ.

بۇل تۋرالى ق ر ينۆەستيسيالار جانە دامۋ مينيسترلىگىنىڭ (يدم) باسپا ءسوز قىزمەتىنەن حابارلادى.

ارنايى ەلشى ساپارىنىڭ ماقساتى جول-كولىك وقيعالارىنىڭ سانىن ازايتۋ، مەملەكەتتىك ورگاندار، بيزنەس-قاۋىمداستىقتار مەن ۇكىمەتتىك ەمەس ۇيىمدار اراسىنداعى ستراتەگيالىق بايلانىستاردى رەتتەۋ، سونداي-اق ونجىلدىق باعدارلاماسىن ىسكە اسىرۋ بويىنشا قاۋىپسىزدىكتى قامتاماسىز ەتۋ جونىندەگى ۇلتتىق باعدارلامالاردىڭ قابىلدانۋىنا قولعابىس ەتۋ ماسەلەلەرىن جوعارى دەڭگەيدە تالقىلاۋ بولىپ تابىلادى.

ساپار اياسىندا مۇددەلى مينيسترلىكتەر مەن ۆەدومستۆولار، بيزنەس-قوعامداستىقتار مەن ۇكىمەتتىك ەمەس ۇيىمدار وكىلدەرىنىڭ قاتىسۋىمەن دوڭگەلەك ۇستەل وتەدى. ۇكىمەتتە، ينۆەستيسيالار جانە دامۋ مينيسترلىگىندە، استانا مەن الماتى قالالارىنىڭ اكىمدىكتەرىندە،  سونداي-اق قازاقستان اۆتوموتوسپورت فەدەراسياسىندا كەزدەسۋلەر جوسپارلانعان. ساپار قورىتىندىسى بويىنشا ورتالىق كوممۋنيكاسيالار ورتالىعىندا بۇۇ ارنايى ەلشىسىنىڭ جانە مينيسترلىكتەر وكىلدەرىنىڭ قاتىسۋىمەن باسپا ءسوز كونفەرەنسياسى وتەتىندىگى جوسپارلانعان.