وسكەمەندە جانە سەمەيدە 60-تان استام ينۆەستيسيالىق جوبالاردى ىسكە اسىرۋدى ۇسىنادى. بۇل تۋرالى بۇگىن وبلىستىق اكىمدىكتە وتىرىستا حابارلادى. 

 شقو كاسىپكەرلىك، اۋىل شارۋاشىلىعى، قۇرىلىس، ءبىلىم بەرۋ، دەنساۋلىق ساقتاۋ سالاسى  ءوز ينۆەستورلارىن كۇتۋدە. وسكەمەن مەن سەمەيدە ازىرلەنگەن جوبالاردىڭ باسىم بولىگىن ەۋروپالىق  قايتا قۇرۋ جانە دامۋ بانكىمەن ىنتىماقتاستىق اياسىندا ىسكە اسىرۋدى جوسپارلاۋدا.

وسكەمەن اكىمىنىڭ مىندەتىن اتقارۋشى ارمان ىسقاقوۆتىڭ اقپاراتىنا سايكەس وبلىس ورتالىعىنىڭ باسىم باعىتتارىنىڭ اراسىندا جىلۋ-، سۋمەن جابدىقتاۋ، سۋ ءبولۋ جۇيەلەرىن جاڭعىرتۋ، كوشە جارىعىن اۋىستىرۋ،  جەڭىس داڭعىلى مەن قازاقستان كوشەلەرىنىڭ قيىلىسىنداعى كولىك جول ايىرىعىن جوندەۋ، سونداي-اق  ەرتىس ارقىلى كوپىر قۇرىلىسىن سالۋ ماسەلەلەرى ايقىندالدى. ءقازىر قۇجاتتار ازىرلەنۋدە.

قالا بيلىگى ەقدب-مەن ىنىماقتاستىق اياسىندا قوعامدىق كولىكتىڭ جىلجىمالى قۇرامىن جاڭارتۋدى، وزدىگىمەن اعاتىن كاناليزاسيالىق كوللەكتوردى جوندەۋدى جوسپارلاۋدا. جۇڭگو كومپانياسى وبلىس ورتالىعىندا التى بالاباقشا سالماق. مەكتەپكە دەيىنگى مەكەمە مەن كوپ بەيىندى اۋرۋحانا سالۋعا تاعى التى جوبا   وسى جىلى ءتورتىنشى توقساندا جاريالاناتىن  كونسەسسيونەر تاڭداۋعا بايقاۋلاردى  كۇتىپ وتىر.

سەمەيدە جىلۋ-، سۋمەن جابدىقتاۋ، سۋ ءبولۋ جۇيەلەرىن جاڭعىرتۋعا ەقدب-مەن كرەديتتىك شارت جاسالدى. ەنەرگيا ۇنەمدەيتىن جارىققا اۋىستىرۋ جوباسىن ىسكە اسىرۋعا كەلىسىمگە قول قويىلدى. وسى قارجى ينستيتۋتى جەلىسى بويىنشا تاعى 19 جوبا مالىمدەلدى، ولارمەن جۇمىس قالانىڭ كوممۋنالدىق شارۋاشىلىعىن جاقسارتۋعا مۇمكىندىك بەردى. ءوڭىر باسشىسى ماجىلىستە بانكپەن ىنتىماقتاستىقتا ءتيىستى ۆەدومستۆولاردىڭ جاقسى جۇمىسىن اتاپ ءوتتى، قالا اكىمدەرىنىڭ ورىنباسارلارى دا وسى قىزمەتكە بەسەنە قوسىلۋ قاجەتتىگىن ايتتى.