وبلىستىق اكىمدىكتىڭ رەسمي سايتىندا جەرگىلىكتى بيۋدجەتتىڭ نەگىزگى باپتارىمەن جاڭا ايدار پايدا بولدى. 

قولجەتىمدى رەجىمدە بيۋدجەت قاراجاتىن يگەرۋ تۋرالى اقپارات اي سايىن جاڭارتىلىپ وتىرادى، دەپ اتاپ ءوتتى شقو اكىمىنىڭ ورىنباسارى قۋات تۋمابايەۆ.

«ءبىز بيۋدجەت بارشا حالىققا تۇسىنىكتى بولعانىن قالايمىز. بيۋدجەتتىڭ ورىندالۋى تۋرالى اقپارات ۇنەمى مەمورگانداردىڭ ينتەرنەت-رەسۋرستارىنا ورنالاستىرىلادى، ءوڭىر تۇرعىندارى بيۋدجەت قاراجاتى قانداي شارالارعا جۇمسالاتىنىن ءبىلۋى ءتيىس. ءبىز ارنايى ايداردى ىسكە قوستىق، ول اي سايىن جاڭارتىلىپ وتىرادى»، - دەدى اكىمنىڭ ورىنباسارى.

  2016 جىلعى تامىزدىڭ باسىنداعى كورسەتىلگەن دياگراممادا  قاراجاتتىڭ باسىم بولىگى الەۋمەتتىك سالاعا اۋدارىلعانىن بايقاۋعا بولادى. دەنساۋلىق ساقتاۋ سالاسىنا 37 پايىز، نەمەسە 31،1 ميلليارد تەڭگە. وسى قاراجات اياسىندا 406 مىڭعا جۋىق جەدەل جاردەم، شۇعىل كومەك شاقىرتۋ ۇيىمداستىرىلدى، 396 مىڭنان استام ادام تەگىن مەديسينالىق كومەكپەن قامتىلدى. 10،5 مىڭداي ادام جەڭىلدىكپەن ءدارى الدى. جىل باسىنان باستاپ 11 مىڭ ادام ۆيرۋسقا قارسى ءدارى الدى. 8542 ادام سۋسامىرعا قارسى دارىمەن قامتاماسىز ەتىلدى.

شقو اكىمىنىڭ سايتىنان بيۋدجەتتىڭ يگەرىلۋى تۋرالى وسىنداي اقپاراتتى تابۋعا بولادى.