كونستيتۋسيا كۇنى قارساڭىندا وڭىردەگى مەملەكەتتىك قىزمەتكەرلەر ەلىمىزدەگى نەگىزگى زاڭنىڭ ماعىناسى، مەملەكەتتىڭ قالىپتاسۋ جولىن انىقتاعان تاريحي تاڭداۋ تۋرالى وبلىستىق عىلىمي-تاجىريبەلىك كونفەرەنسيا وتكىزدى.
ق ر مەملەكەتتىك قىزمەت ىستەرى مينيسترلىگىنىڭ شقو بويىنشا دەپارتامەنتى باسشىسىنىڭ مىندەتىن اتقارۋشى قايرات ساپارعالييەۆتىڭ ايتۋىنشا، جاڭا كونستيتۋسيا ادام ءومىرى، قۇقىقتارى مەن بوستاندىعىن مەملەكەتتىڭ جوعارى قۇندىلىقتارى رەتىندە باعالاپ، قازاقستان دامۋىنىڭ نەگىزىن قالادى.
«21 جىل ىشىندە ءبىزدىڭ ەلىمىز قيىن، ءبىراق لايىقتى جولدان ءوتتى، مەملەكەتتىلىكتى نىعايتۋ، ەكونوميكالىق ءوسۋ، قازاقستاننىڭ ءومىر ءسۇرۋ ساپاسىن جانە مەملەكەتتىڭ حالىقارالىق بەدەلىن ارتتىرۋ ءۇشىن كوپ دۇنيەلەر جاسالدى. بۇگىن ءبىز قازاقستاندىق دامۋ تۋرالى مول سەنىممەن ايتا الامىز. ءبىزدىڭ ەكونوميكا مەن قوعامدى جاڭعىرتۋ مودەلىمىزدى دۇنيەجۇزىلىك قاۋىمداستىق وڭ قابىلداپ، ءتيىمدى جانە بولاشاعى زور دەپ باعالاۋدا. كونستيتۋسيا - ەلدەگى ءاربىر ازاماتتىڭ قۇقىقتارى مەن بوستاندىقتارىنىڭ كەپىلى. قازاقستان رەسپۋبليكاسى ءوزىن دەموكراتيالىق، زايىرلى، قۇقىقتىق جانە الەۋمەتتiك مەملەكەت رەتىندە جاريالايدى».
ق.ساپارعالييەۆ قازاقستان رەسپۋبليكاسىنىڭ «مەملەكەتتىك قىزمەت تۋرالى» جاڭا زاڭى قابىلدانعاننان كەيىن، بارلىق ازاماتتار ءۇشىن مەملەكەتتىك قىزمەتكە تۇرۋ اشىق كونكۋرس ارقىلى وتكىزىلەتىنىن اتاپ ءوتتى.
«دوستىق ءۇيى - قوعامدىق كەلىسىم ورتالىعى» قوعامدىق كەلىسىمى كەڭەسىنىڭ ءتوراعاسى لەو شيك قازاقستان حالقى بىرلىگىن قامتاماسىز ەتۋدەگى كونستيتۋسيا رولىنە ەرەكشە ءمان بەردى. شقو ادىلەت دەپارتامەنتى باسشىسىنىڭ ورىنباسارى ال-سەيىت بەيسەمبەك بارلىق ازاماتتاردى كونستيتۋسيا مازمۇنىن، ەلىمىزدەگى باستى زاڭنىڭ شارتتارى مەن تالاپتارىن تولىق بىلۋگە شاقىردى جانە ەلىمىزدىڭ ءاربىر ازاماتى مەملەكەتتىك رامىزدەردى ساقتاۋعا جانە قۇرمەت تۇتۋعا مىندەتتى ەكەن اتاپ ءوتتى.
