ستۋدەنتتەرگە ارنالعان «Enactus Kazakhstan Summer Camp 2016» بيزنەس لاگەر ماۋسىمىن اياقتادى. ول Enactus Kazakhstan تاريحىنداعى  ەكىنشى لاگەر، ەلدەگى بەلسەندى ستۋدەنتتەردى، اكادەميالىق جانە ىسكەر كوشباسشىلاردى بىرىكتىرەتىن حالىقارالىق كوممەرسيالىق ەمەس ۇيىم، دەپ حابارلادى ءوڭىردىڭ اقپاراتتىق ورتالىعىندا.

بيىل سەمەيدە «قۇرىلىسشى» ءساناتورييى بازاسىندا 15-20 تامىز ارالىعىندا حالىقارالىق جازعى بيزنەس مەكتەبى جۇمىس ىستەدى. ونى Enactus Kazakhstan ديرەكتورلار كەڭەسىنىڭ قولداۋىمەن Enactus Kazakhstan ۇلتتىق كەڭسە ۇيىمداستىردى. دەمالىس ورنى ستۋدەنتتەردىڭ قارقىندى ءبىلىم الۋى مەن ترەنينگتەر وتكىزۋگە ارنالعان. جازعى مەكتەپ قىزىقتى بيزنەس جوبالار، ديالوگ الاڭىن، Enactus باعدارلاماسىنىڭ ستۋدەنتتىك كوشباسشىلارى مەن تابىستى بيزنەسمەندەرىنىڭ ءونىمدى ىنتىماقتاستىق  زەرتحاناسىن قۇرۋ الاڭى بولدى.

  «Enactus Kazakhstan Summer Camp 2016»  لاگەرىندە ەلدىڭ ءار وڭىرلەرىنەن 10 ستۋدەنت دەمالدى.  ولار مادەنيەت، بيزنەس، مەملەكەت قايراتكەرلەرىمەن ارالاسىپ، قازاقستاندىق جانە حالىقارالىق كاسىپكەرلىك ساراپشىلارىنان كەڭەس الدى، مانسابىن ءساتتى قالىپتاستىرۋ ءۇشىن بايلانىستاردى رەتتەدى. جازعى مەكتەپتە Enactus Kazakhstan ارىپتەستەرىنەن شەبەرلىك سىنىپتارى ءوتتى. وسىنىڭ بارلىعى ستۋدەنتتەردىڭ كاسىبي جانە تۇلعا رەتىندە دامۋىنا ىقپال ەتتى.