شقو «شىعىسەنەرگوترەيد» ەنەرگيا ۇنەمدەۋ ۇيىمىنا جاڭا باس ديرەكتور كەلدى. «شقو وڭىرلىك ەنەرگەتيكالىق كومپانياسى» اق ديرەكتورلار كەڭەسىنىڭ شەشىمى بويىنشا سەرىكتەستىكتىڭ باس ديرەكتورى لاۋازىمىنا تەكەشوۆ ەرلان حاسەن ۇلى تاعايىندالدى.
ول ەڭبەك جولىن 1982 جىلى باستادى. ساۋدا جانە قىزمەت دەپارتامەنتىنىڭ گەولوگى، شتاتتان تىس ينسپەكتورى، شقو اكىمى اپپاراتىنىڭ «ىستەرىن باسقارۋ» قمكك باس ديرەكتورى بولدى. وسكەمەن تكش، جكاج ءبولىمىن، قۇرىلىس ءبولىمىن باسقاردى، شقو قۇرىلىس باسقارماسى باستىعى لاۋازىمىن اتقاردى.
ءار جىلدارى شەمونايحا اۋدانى اكىمىنىڭ ورىنباسارى، تارباعاتاي اۋدانىنىڭ اكىمى، شقو اكىمىنىڭ ورىنباسارى بولدى. تاعايىندالعانعا دەيىن «شق وەك» اق دامىتۋ جونىندەگى باسقارما ءتوراعاسىنىڭ ورىنباسارى بولدى.
