الماتى وبلىسىندا 2019 جىلعا دەيىن بارلىق اپاتتى كوپىرلەر تولىقتاي قالپىنا كەلتىرىلەدى. بۇل تۋرالى وكق-دا باسپا ءسوز كونفەرەنسياسىندا الماتى وبلىسى اكىمىنىڭ ورىنباسارى باقتيار ونەربايەۆ حابارلادى.

ونىڭ دەرەكتەرىنە سايكەس،  قازىرگى ۋاقىتتا الماتى وبلىسىندا 103 كوپىر اپاتتى جاعدايدا تۇر.

«ءقازىر اپاتتى كوپىرلەردى قالپىنا كەلتىرۋ جۇمىستارى جۇرگىزىلۋدە. جوبالاۋ-سمەتالىق قۇجاتتاما ازىرلەندى، بارلىق ماتەريالدار ساراپتاماعا جىبەرىلدى. مەملەكەتتىك ساراپتاما العاننان كەيىن جەرگىلىكتى بيۋدجەتتەن قالپىنا كەلتىرۋ ءۇشىن قاراجات بولىنەدى. قادامدىق جوسپار، باعدارلاما ازىرلەندى، وعان سايكەس 2017-2019 جىلدارى بارلىق كوپىرلەر قالپىنا كەلتىرىلەدى»، - دەدى جۋرناليستەردىڭ سۇراعىنا جاۋاپ بەرگەن وبلىس اكىمىنىڭ ورىنباسارى.

ەسكە سالساق، اكىمدىك دەرەكتەرىنە سايكەس، الماتى وبلىسىنىڭ وڭىرلىك ماڭىزى بار جولدارىندا بۇگىندە 244 كوپىر ورنالاسقان. ونىڭ جارتىسى اپاتتى جاعدايدا.

الماتى وبلىسى اكىمدىگىنىڭ دەرەكتەرىنە سايكەس 2016 جىلعى 1 تامىزدا مەملەكەتتىك بيۋدجەتكە 139،2 ملرد تەڭگە ءتۇستى، بولجام 111،2%-عا ورىندالدى. رەسپۋبليكالىق بيۋدجەتكە 64،1 ملرد. تەڭگە ءتۇستى جانە بولجام 112،1%-عا ورىندالدى، جەرگىلىكتى بيۋدجەتكە  - 75،1 ملرد. تەڭگە (110،5%) ءتۇستى.