بۇگىن استانادا تاۋەلسىزدىكتىڭ 25 جىلدىعىنا ارنالعان الماتى وبلىسىنىڭ استاناداعى «قۋاتتى ايماق - قۋاتتى قازاقستان» اتتى كۇندەرى اياسىندا بىرنەشە اۋقىمدى شارالار بولىپ ءوتتى، دەپ حابارلادى الماتى وبلىسى اكىمىنىڭ باسپا ءسوز قىزمەتى. 

ۇلتتىق كىتاپحانادا «جەرۇيىق مەكەن - جەتىسۋ» اتتى جەتىسۋلىق اقىن-جازۋشىلار كىتاپتارىنىڭ كورمەسى ۇيىمداستىرىلدى. كورمەگە كەلۋشىلەر كيەلى جەتىسۋ جەرىنىڭ اقىن-جازۋشىلارىنىڭ قالامىنان تۋعان شىعارمالارىمەن كەڭىنەن تانىسۋعا مۇمكىندىك الدى.

سونداي-اق وسى كۇنى ۇلتتىق مۇراجايدا دا كورمە ۇيىمداستىرىلدى. كورمەگە الماتى وبلىسى مۇراجايلارىنداعى ەكسپوناتتار، جىر الىبى جامبىل جابايەۆتىڭ قولدانعان جەكە زاتتارى، كونە ىدىستار، تۇرمىستىق جانە زەرگەرلىك اشەكەي بۇيىمدار، وزگە دە كوپتەگەن ەكپوناتتار قويىلدى. سونىمەن قاتار كورمەگە جەتىسۋلىق قىلقالام شەبەرلەرىنىڭ پورتەر، پەيزاج جانە تاريحي تاقىرىپتاعى شىعارمالارى دا قويىلدى. بۇگىنگى كۇنگە جوسپارلانعان شارالار سوڭى «جاستار» تەاترىنىڭ ساحناسىندا الماتى وبلىسىنىڭ ب. ريموۆا اتىنداعى دراما تەاترى ارتىستەرىنىڭ ورىنداۋىنداعى «كەرەي - جانىبەك» اتتى سپەكتاكلىن قويۋمەن ءوز مارەسىنە جەتتى.

وسىلايشا الماتى وبلىسىنىڭ دەلەگاسياسى وبلىس كۇندەرى شەڭبەرىندە ازىرلەگەن باعدارلاماسىنىڭ ءبىرىنشى كۇنى ەلوردالىق تۇرعىندار مەن قالا قوناقتارىنىڭ كوڭىلىنەن شىعىپ، ىستىق قوشەمەتىنە بولەنىپ ۇلگەردى.

ەرتەڭگى كۇنى دە استانالىقتاردى تاڭنىڭ اتىسىنان كەشتىڭ باتىسىنا دەيىن قىزىقتى شارالارعا تولى كۇن كۇتۋدە...