الماتى وبلىسىندا تامعالىتاس شاتقالىندا «جارتاستى قالا -استانا» وقۋ-جاتتىعۋ پوليگونىندا «قازقۇتقارۋ-2016» رەسپۋبليكالىق جيىن-سەمينارى جالعاسۋدا.

جاس قۇتقارۋشىلار كوماندالارى اراسىنداعى جارىستىڭ جەڭىمپازدارى ايقىندالدى، ولار ەكى كۇن بويى قۇتقارۋشى كوپسايىcىندا ءبىرىنشى ورىنعا ب ا ق سىناستى. جاس قۇتقارۋشىلار تەحنوگەندىك جانە تابيعي اپاتتار جاعدايىندا ىزدەۋ-قۇتقارۋ جۇمىستارىن جۇرگىزدى. بۇدان باسقا، كونكۋرستىق باعدارلاماعا پسيحولوگيالىق تەستىلەۋ، ءوزىن-وزى تانىستىرۋ جانە قابىرعا گازەتى كىردى.

جارىستىڭ بارلىق كەزەڭدەرىن ءوتۋ ناتيجەلەرى بويىنشا 1-ورىندى باتىس قازاقستان وبلىسىنىڭ قۇتقارۋشىلارى يەلەندى. 2-ورىندا جامبىل وبلىسىندا. 3-ورىن استانا قالاسىنىڭ جىگىتتەرىنە بۇيىردى. 4-ورىنعا قاراعاندى وبلىسىنىڭ اتىنان تەمىرتاۋ بالالار اۋىلى SOS قۇتقارۋشىلارى. جەڭىمپازدار كۋبوكتارمەن، ديپلومدارمەن جانە ەستەلىك سىيلىقتارمەن ماراپتتالدى.

جۇلدەلى 1ء-شى جانە 3ء-شى ورىندارى يەلەنگەن جاس قۇتقارۋشىلار  وزدەرىنىڭ ۇتىپ العان جۇلدەلەرىن تەمىرتاۋ بالالار اۋىلى SOS تاربيەلەنۋشىلەرىنە تاپسىردى.

كاسىبي قۇتقارۋشىلار كوماندالارىنىڭ اراسىندا سايىس جالعاسۋدا.

«تەحنوگەندىك اپاتتار جاعدايىندا ىزدەۋ-قۇتقارۋ جۇمىستارى» اراقاشىقتىعىندا قۇتقارۋشىلار «ءۇيىندى»، «جار»، «لابيرينت»، «تاۋداعى قۇتقارۋ جۇمىستارى»، «جول-كولىك جانە تەمىرجول وقيعالارى»، «حيميا»، «فورت» كەزەڭدەرىنەن وتەدى.

بارلىق سايىس كەزەڭدەرىندە كوماندالاردىڭ باستى مىندەتى «زارداپ شەككەندەردى» جانە «قازا بولعانداردى» ىزدەپ تابۋ، ولاردى ءقاۋىپسىز جەرگە شىعارۋ، العاشقى مەديسينالىق كومەك كورسەتۋ، ولاردى ءقاۋىپسىز ورىنعا كوشىرۋ بولىپ تابىلادى.

كينولوگيالىق ەسەپتوپتار «باعىنۋدى جانە يكەمدىلىكتى تەكسەرۋ» اراقاشىقتىعىنا جارىسۋدى جالعاستىرۋدا.

«قازقۇتقارۋ-2016» 21ء-شى رەسپۋبليكالىق جيىن-سەمينارى 22 قىركۇيەككە دەيىن جالعاسادى