بۇرىندارى «شەتەلدە قوقىستان دا قاجەتتى دۇنيەلەر جا­سا­لىپتى» دەگەندى ءجيى ەستيتىنبىز. مۇنداي جۇمىس ءقازىر ءبىزدىڭ ەلدە دە جۇزەگە اسىرىلا باستادى. ىلە اۋدانىنداعى «كومپانيا ۆ» جاۋاپكەرشىلىگى شەكتەۋلى سەرىكتەستىگى ءدال وسىنداي ىستەردى قولعا الىپ، قاعاز قالدىقتارىن وڭدەۋمەن اينالىسۋدا.

ءىستىڭ قىر-سىرىمەن جاقىن تا­نىسىپ، جۇمىس ءۇردىسىن كورۋ ءۇشىن زاۋىتقا ارنايى باردىق. اتشاپ­تىرىم اۋماقتا ورنا­لاسقان كاسىپ­ورىندا تىنىمسىز تىرلىك ءجۇرىپ جاتتى. ىشىنە ەنگەن مەزەتتە-اق تاۋ-تاۋ بولىپ ءۇيىل­گەن قاعاز قال­دىق­تا­رىنا نازار اۋداردىق. قوقىستار كوز الدى­مىزدا قايتا وڭدەۋدەن ءوت­كىزىلىپ، اپ-ساتتە دايىن ونىمگە اينالدى. سول زاتتاردان كارتون، قوراپ سياقتى بۇيىمدار جاسالۋدا. ءوندىرىس ورنىنىڭ باسشىسى ۆاديم دولگوپولوۆتىڭ ايتۋىن­شا، نە­گى­ءزى­نەن ولار ارنايى تاپ­سىرىس بويىن­شا جۇمىس ىستەي­ءتىن كورىنەدى. باس­تاپ­قى جىل­دارى ءىستى اياقتان تۇرعىزۋ وڭاي بولماپتى. سوعان مويىماستان تەك العا جىلجىپ، جۇمىستى جان­دان­دىرۋدا تالماي ەڭبەك ەتكەن. مەملەكەت تاراپىنان جاسالعان كومەك­تەردىڭ دە وڭ اسەرى ءتيىپتى.

بىلتىر «بيزنەستىڭ جول كارتا­سى – 2020» مەملەكەتتىك باعدار­لا­ما­سى اياسىندا 6 پايىز­بەن 33 ميل­ليون تەڭگەدەن استام نەسيە الىپ، جاڭا قوندىرعىلار ساتىپ الىنعان. قازىرگى كەزدە قاعاز شىعارۋ ءۇردىسى سول قۇرىل­عىلاردىڭ كۇشىمەن اۆتو­مات­تى تۇردە جۇزەگە اسىرىلۋدا. ال ونىڭ تەتىكتەرىن ارنايى جۇ­مىس­شىلار باسقارادى. مۇندا جۇزدەن اسا ادام ەڭبەكپەن قام­تىلعان. با­سىم بولىگى جاستار جانە سول ءوڭىر­ءدىڭ تۇرعىندارى. ولارعا ورتا ەسەپ­پەن ءجۇز مىڭ تەڭگەدەن اساتىن جا­لا­قى ءتو­لەنەدى. ايتا كەتەيىك، زاۋىت­تا تاۋلىگىنە 20 توننا، ايىنا 750 تون­نا­دان استام قاعاز وڭدەلەدى. قالدىق نە­گىزىنەن الماتى قا­لاسى جانە وب­لىس اۋماعىنان جيناپ اكە­­ءلى­نەدى. ءشىل­دە ايىن­دا قىر­عىز ەلىنە 200 توننا وڭدەل­گەن قا­عاز ەكس­پورت­تال­عان.

ايتا كەتەيىك، كاسىپورىننىڭ جۇمىس ىستەپ كەلە جاتقانىنا ون بەس جىلعا جۋىقتاپتى. سودان بەرى تالاي ءىستىڭ باسىن قايىرىپ ءۇل­گەر­گەن ءوندىرىس ۇجىمىنىڭ بۇگىنگى تىرلىكتەرى جامان ەمەس. وعان قور­شا­عان ورتانى لاس­تانۋدان ساقتاپ، ەكولوگيالىق جاعدايدى جاق­سار­تۋ­عا ۇلەس قو­سىپ وتىرعاندارى دالەل. كەيبىر مالىمەتتەرگە سۇيەنسەك، ەگەر ءبىر توننا قاعاز قايتا وڭدەۋ­دەن وتسە، ون التى اعاش ساقتالاتىن كو­رىنەدى. سونداي-اق، بۇل جۇمىس اعاش وڭدەۋگە قاراعاندا قۋات جا­عى­نان ۇنەمدى ءارى ەكو­لو­گيا­لىق تۇر­عىدان ءتيىمدى ءوندىرىس بولىپ تا­بىلادى. سوندىقتان، اتالمىش كاسىپ­ورىننىڭ اتقا­رىپ جاتقان جۇ­مىستارى ۇلگى تۇ­تارلىق  دەۋگە بو­لادى. 

ايگۇل بايبوسىنوۆا، "جەتىسۋ" گازەتى