قازاقستان پرەزيدەنتى  نۇرسۇلتان نازاربايەۆ الماتىداعى ءداستۇرلى اندەر مۋلتيمەديالى ورتالىعىنا كەلگەنىندە دومىرادا وينادى،- دەپ حابارلايدى Qamshy.kz  اقورداعا سىلتەمە جاساپ. 
 

سونداي-اق مەملەكەت باسشىسى ۋنيۆەرسيتەتتىك سپورتتىڭ حالىقارالىق فەدەراسياسى وكىلدەرىمەن اڭگىمەلەسىپ، فەدەراسيانىڭ تىكەلەي قولداۋىمەن دۇنيەجۇزىلىك قىسقى ۋنيۆەرسيادانى قازاقستاننىڭ تابىستى وتكىزەتىنىنە  ءوز سەنىمىن ءبىلدىردى. فەدەراسيا وكىلدەرى نۇرسۇلتان نازاربايەۆقا الدا بولاتىن ۋنيۆەرسيادا اياسىنداعى بارلىق ءىس-شارالاردىڭ ءتيىمدى وتۋىنە قوسقان جەكە ۇلەسى ءۇشىن العىسىن ءبىلدىردى.

قازاقستان پرەزيدەنتىن ۋنيۆەرسيادا وتكەننەن كەيىن نىسانداردىڭ قالاي پايدالانىلاتىنى تۋرالى دا حاباردار ەتتى. ولار سپورت مەكتەپتەرىنىڭ، كاسىبي جانە اۋەسقوي كوماندالاردىڭ جاتتىعۋلارىن ۇيىمداستىرۋ ورتالىقتارى رەتىندە پايدالانىلادى.

سونىمەن قاتار مەملەكەت باسشىسى «ءداستۇرلى مۋزىكا مۋلتيمەديالىق ورتالىعىمەن» تانىستى. وندا ىقىلاس اتىنداعى حالىق اسپاپتارى مۋزەيى، ءا.قاستەيەۆ اتىنداعى مەملەكەتتىك مۋزەي، الماتى قالاسىنىڭ تاريح مۋزەيى، سونداي-اق مەملەكەتتىك مۇراعاتتار قورىنان الىنعان قازاق ونەرىنىڭ كورنەكتى قايراتكەرلەرىنىڭ بىرەگەي اسپاپتارى كورەرمەندەر نازارىنا ۇسىنىلعان.

نۇرسۇلتان نازاربايەۆ ورتالىققا ءوزىنىڭ جەكە دومبىراسى مەن ايگىلى كۇيشى دينا نۇرپەيىسوۆاعا ارنالعان «دالا اۋەندەرى» اتتى ءمۇسىندى تارتۋ ەتتى.