ۇكىمەت وتىرىسىن وتكىزگەن پرەمەر-مينيستر ەلدەگى باعانىڭ وسۋىنە بايلانىستى وسىنداي پىكىر ءبىلدىردى، - دەپ حابارلايدى Qamshy.kz.
«ءبىرىنشى كەزەكتە ءبىز باعانىڭ وسپەۋىن قاداعالاۋ كەرەكپىز. ماۋسىمدىق وزگەرىستەرگە بايلانىستى سەبەپتەرى بار، تۇسىنەمىز. ءبىراق، باعا كوپ جاعدايدا ءتيىستى شەشىمدەر قابىلدانىپ، الايدا، ءبىزدىڭ ءوزىمىزدىڭ شارا قولدانباۋىمىزدان وسۋدە. مەن ايتىلعان ۇسىنىستارمەن تولىق كەلىسەمىن، بىزدە ءوندىرىست، ساۋدا-ساتتىقتى قولدايتىن، باعانى ۇستاپ تۇراتىن تەتىكتەر بار، ءبىراق، ولار جۇمىس ىستەمەيدى، ويتكەنى، جەر-جەرلەردە اكىمدەر تاراپىنان باقىلاۋ جوق، بارلىق ۋاقىتتا انا جەردە جاقسى، مىنا جەردە جامان دەپ، قايداعى ءبىر ساندار توڭىرەگىندە ساۋدالاسامىز»، - دەگەن ب. ساعىنتايەۆ باعانى رەتتەۋدە جۇيەلى جۇمىس كەرەكتىگىن باسا ايتتى.
«ءبىزدىڭ كەي ارىپتەستەرىمىز لاۋازىمعا تاعايىندالا سالا جۇيەلىك شارالار قابىلداۋ ورنىنا بازارلاردى ارالاپ، باعالاردى تەكسەرۋگە قۇمار. ونى ءبارىمىز كورىپ وتىرمىز. سولاردىڭ بارلىعى وزدەرى بارار الدىندا بازارلارداعى باعالاردىڭ دا قاجەتتى سوماعا «جاڭارتىلىپ» قويىلاتىنىن دا بىلەدى. تەكسەرىس كەتكەن سوڭ ول باعالار قايتادان وزگەرتىلەدى. سوندىقتان، ءبىز وزىمىزدە شىعارىلاتىن ازىق-تۇلىك باعاسىنىڭ وسپەۋى ءۇشىن ناقتى جۇيەلىك شارالار قابىلداۋ كەرەكپىز»، - دەيدى پرەمەر-مينيستر.
باقىتجان ساعىنتايەۆ سونداي-اق، باعانىڭ قىمباتتاۋ سەبەبىنە ۇڭىلمەي، ءتۇرلى سىلتاۋلاردى العا تارتاتىنداردى دا سىنعا الدى.
«ەگەر ءسىز ەلەكتر ەنەرگياسىنىڭ باعاسىنىڭ ءوسۋىن ايتساڭىز، ونىڭ بەلگىلى ءبىر تاۋار باعاسىنا قانشالىقتى اسەر ەتكەنىن كورسەتىڭىزدەر. رەتتەۋىشتەر بار. جانار، جاعار ماي باعاسىن ءبىز بيىل ەمەس، بىلتىر كوتەردىك. ال، ءقازىر كەلىپ تاعى دا جانار ماي باعاسىن سىلتاۋراتامىز. بۇل بارىنەن باسىن الىپ قاشۋ بوپ سانالادى»، - دەگەن ب. ساعىنتايەۆ ۇلتتىق ەكونوميكا ءمينيسترى قۋاندىق بىشىمبايەۆا اۋىلشارۋاشىلىعى مينيسترلىگىمەن بىرلەسىپ، ءبىر اي ىشىندە ناقتى شارالار قابىلداۋدى، ول شارالاردىڭ ناقتى ناتيجەلەرىن ۇسىنۋدى تاپسىردى.
