“نۇر وتان» پارتياسى كادرلىق رەزەر­ءۆىن قالىپتاستىرۋ جۇمىسىن باستايدى. بۇل – سايلانبالى جانە پارتيالىق لاۋا­زىم­دارعا جوعارى كاسىبي كادرلاردى ۇسىنۋدىڭ جۇيەلى رەسىمى. كادرلىق رەزەرۆ تاجىريبەلى ارىپتەس­تەرىمىزدەن، باستاۋىش پارتيا ۇيىم­دارىنىڭ مۇشەلەرى مەن بەلسەندى جاستاردان، سونداي-اق، پارتيا جاقتاستارى قاتارىنان جاساقتالادى”. “نۇر وتان” پارتياسىنىڭ حاتشىسى ناتاليا گودۋنوۆا وسىلاي دەپ مالىمدەدى. ول ماقساتتى توپتى، پارتيالىق كادرلاردى ورتا­لىق جانە جەرگىلىكتى مەملەكەتتىك ورگاندارعا ۇسىنۋ ءۇشىن رەزەرۆتى قالىپتاستىرۋ كەزەڭ­دەرى مەن مەرزىمدەرىن كەڭىنەن ءتۇسىندىردى، - دەپ حابارلايدى Qamshy.kz "ەگەمەن قازاقستانعا "سىلتەمە جاساپ.

«پارتيالىق كادرلىق رەزەرۆ تۋرالى» ەرەجەگە سايكەس، پارتيا مۇشەسى ەمەس، ءبىراق ونى بەلسەندى قولداۋشىلاردى دا رەزەرۆكە ىرىكتەۋ مۇمكىندىگى قاراس­تى­رىلىپ وتىر، مۇشەلىگى جوق پارتيا جاق­تاس­تارى كادرلىق رەزەرۆتەگى سانى رەزەرۆيستەردىڭ جالپى سانىنىڭ 10 پايى­زىنان اسپاۋى ءتيىس. «نۇر وتان» پارتياسىنىڭ كادرلىق رەزەرۆى ەكى دەڭگەيدە – رەسپۋبليكالىق جانە ايماقتىق دەڭگەيلەردە بەكىتىلەدى.

– قازىرگى ۋاقىتتا ايماقتىق رەزەرۆ قالىپ­تاس­تىرىلۋدا. وعان ءماسليحات دەپۋتات­تى­عىنا، ايماقتىق ساياسي كەڭەستەر، پارتيا­لىق باقىلاۋ كوميسسيالارى (پبك)، سىباي­لاس جەمقورلىققا قارسى ءىس-قيمىل ءجونىن­دەگى قوعامدىق كەڭەستەر (سجقىقك) جانە پار­تيانىڭ باسقا دا ورگاندارىنىڭ مۇشەلىگىنە كانديداتتار ىرىكتەلەدى، – دەدى ول. ونىڭ ايتۋىنشا، ۇمىتكەرلەر كەلەسى كۆوتا بويىنشا ىرىكتەلەدى: ءار اۋداننان – 10، قالادان – 12، وبلىس ورتالىعىنان 25 كانديداتتان.

سونىمەن قاتار، ن. گودۋنوۆا پارتيانىڭ ايماقتىق كادرلىق رەزەرۆىنە جالپى رەسپۋب­ليكا بويىنشا شامامەن 3 مىڭ ادام ەنەتىنىن جەتكىزدى.

– رەسپۋبليكالىق رەزەرۆتىڭ نەگىزى – ايماق­تىق رەزەرۆيستەر (ءار ايماقتان ءۇش ادام­نان ارتىق ەمەس). رەسپۋبليكالىق رەزەرۆ 2017 جىلدىڭ سوڭىندا قالىپتاستىرىلاتىن بولادى. ايماقتىق پارتيالىق كادرلىق رەزەرۆكە ەنۋ ءۇشىن  كانديداتتار 3 ساتىلى ىرىكتەۋ جۇيەسىنەن ءوتۋى قاجەت. جۇيە كونكۋرس­تىق رەسىمدەر مەن قۇزىرەتتەرىن باعالاۋدان تۇرادى. كانديداتتاردىڭ ءارقايسىسى كاسىبي، پارتيالىق جانە جەكە سيپاتتارى بويىنشا كەشەندى تەكسەرۋدەن وتەدى.

مىسالى، پارتيا مۇشەلىگى بويىنشا ءوتىلى، جۇمىس ءوتىلى، ءبىلىمى، پارتيالىق قىز­مەت­تەگى سىڭىرگەن ەڭبەگى بويىنشا تالاپ­تار بار. اتالعان تالاپتار رەزەرۆتىڭ ءار دەڭ­گەيى سايىن ارتا تۇسەدى، – دەدى پارتيا حاتشىسى.

ۇمىتكەرلەردىڭ قىلمىس­تىق جانە اكىمشىلىك جاۋاپكەرشىلىككە تار­تىل­ماۋى، سىبايلاس جەمقورلىققا جاعداي جاساي­تىن تەرىس قىلىقتارىنىڭ، الىنىپ تاس­تال­ماعان پارتيالىق جازالارىنىڭ بول­ماۋى جونىندەگى تالاپتار ءار دەڭگەي ءۇشىن مىندەتتى بولىپ تابىلاتىنىنا دا نازار اۋداردى. بۇعان قوسا، ول پارتيالىق كادرلىق رەزەرۆتى قالىپتاستىرۋ ءۇش اي بويى كەزەڭ-كەزەڭمەن وتەتىنىن ءمالىم ەتتى. پارتيا حاتشىسىنىڭ سوزىنە قاراعاندا، رەزەرۆكە الىنعانداردى بەكىتكەننەن كەيىن پارتيالىق كادرلىق رەزەرۆتى دامىتۋ جۇمى­سى جۇرگىزىلەتىن بولادى. ناقتىلاي ايت­قان­دا، ولاردىڭ ناقتى ىس-ارەكەتتەرىنىڭ جوس­پار­لارى ازىرلەنىپ، بەكىتۋ جانە جۇزەگە اسىرۋ شارالارى ىسكە اسىرىلادى.

ودان ءارى ن.گودۋنوۆا ۇمىتكەردىڭ رەزەرۆتە بولۋ مەرزىمى 5 جىلدى قۇرايتىنىن ايتا كەلىپ، پارتيانىڭ ورتالىق اپپاراتىندا جانە ايماقتىق، اۋماقتىق فيليالدارىنىڭ اپپاراتتارىندا (باسشىلىقتان باسقا) بوس لاۋازىمدىق ورىندارعا بايقاۋ نەگىزىندە قابىلداۋ جۇزەگە اسىرىلاتىنىن جەتكىزدى.

جولدىباي بازار، «ەگەمەن قازاقستان»