قىرعىزستان پرەزيدەنتى المازبەك اتامبايەۆ تۇركيانىڭ ەگەي جاعالاۋىنداعى اۋرۋحانالاردىڭ بىرىنە جاتقىزىلدى، - دەپ حابارلايدى Qamshy.kz Haberler.com-عا سىلتەمە جاساپ.
بۇعان دەيىن ا. اتامبايەۆتىڭ نيۋ-يوركتە وتەتىن بۇۇ باس اسسامبلەياسى سەسسياسىنا بارار جولدا سىرقاتتانىپ، تۇركيادا مەديسينالىق تەكسەرىستەن ءوتىپ جاتقانى حابارلانعان بولاتىن.
قىرعىزستان پرەزيدەنتىنىڭ اكىمشىلىگى «الدىن الا تەكسەرۋ ناتيجەسى بويىنشا مەملەكەت باسشىسىندا جۇرەك اۋرۋىنىڭ بەلگىلەرى انىقتالعان»، - دەگەن حابار تاراتقان.
ال، نيۋ-يورككە قىرعىز دەلەگاسياسىن ەلدىڭ سىرتقى ىستەر ءمينيسترى ەرلان ابدىلدايەۆ باستاپ بارادى. ەستەرىڭىزگە سالساق، ا. اتامبايەۆ 17 قىركۇيەكتە 60 جاسقا تولىپ، بىشكەكتە وتكەن تمد ەلدەرى باسشىلارىنىڭ ءسامميتى مەرەيتوي تويلاۋعا ۇلاسقان بولاتىن. ا. اتامبايەۆ 2011 جىلى قىرعىزستاننىڭ پرەزيدەنتى بولىپ سايلانعان.
