پارلامەنت ماجىلىسىندە كوللەكتورلارعا اينىلىسۋعا تىيىم سالىناتىن ازاماتتاردىڭ ءتىزىمى تۋرالى تالقىلاندى. ۇلتتىق بانك وكىلدەرى نەسيە العان كەيبىر ازاماتتاردىڭ بانككە قارىز وتەمدەرىن كەشىرۋدىڭ مۇمكىن ەكەنىن ايتتى، - دەپ حابارلايدى Qamshy.kz Tengrinews.kz –كە سىلتەمە جاساپ.
"كوللەكتورلار فيزيكالىق تۇلعالاردىڭ (...) مىنا كاتەگوريالاردىڭ بىرىنە جاتاتىن ازاماتتاردان قارىزدارىن وتەۋىن تالاپ ەتپەۋى ءتيىس: مۇگەدەكتەر مەن ۇلى وتان سوعىسىنىڭ ارداگەرلەرى؛ ۇلى وتان سوعىسى قاتىسۋشىلارىنا نەمەسە مۇگەدەك ادامداردىڭ قاتارىنا تەڭەستىرىلگەن ازاماتتار: ءبىرىنشى جانە ەكىنشى توپتاعى مۇگەدەكتەر؛ كامەلەتكە تولماعان ازاماتتار؛ زەينەتكەرلەر؛ سوتتىڭ شەشىمىمەن قابىلەتى جوق دەپ تانىلعان ازاماتتار؛ پسيحونيەۆرولوگيالىق نەمەسە ناركولوگيالىق ديسپانسەرلەردە ەم الىپ جاتقان ازاماتتار؛ تۋبەركۋلەز اۋرۋىنا شالدىعىپ، ديسپانسەردە ەم الىپ جاتقاندار؛ جازاتايىم وقيعانىڭ سالدارىنان نەمەسە قىزمەتتىك مىندەتىن اتقارىپ جاتقان كەزدە جاراقات الىپ قالعاندار، سوزىلمالى اۋرۋمەن شالدىققاندار، ەڭبەككە جارامدىلىعىنىڭ 80-100 پايىزىنان ايىرىلعان ازاماتتار؛ باس بوستاندىعىنان ايىرۋ مەكەمەلەرىندە جازاسىن وتەپ جاتقان ازاماتتار؛ ەكولوگيالىق اپاتتاردىڭ سالدارىنان نەمەسە توتەنشە جاعداي كەزىندە ۇيىنەن ايىرىلعان ازاماتتار؛ مەملەكەتتىك جانە قوعامدىق قىزمەتتەردە مىندەتىن اتقارۋ كەزىندە، اسكەري قىزمەتتە نەمەسە عارىشقا ۇشۋ كەزىندە ادام ءومىرىن قۇتقارۋ ماقساتىندا قازا تاپقان وتباسىلاردىڭ مۇشەلەرى"، - دەلىنگەن زاڭناماعا ەنگىزىلگەن وزگەرتۋلەردە.
سونداي-اق، ۇلتتىق بانك ءتوراعاسىنىڭ ورىنباسارى ولەگ سمولياكوۆ وسى ۇسىنىستاردى ايتا وتىرىپ، اتالعان ازاماتتاردىڭ بانك الدىنداعى قارىزدارىن كەشىرۋگە بولاتىنىن ايتتى.
"ءبىز ايتىلعان بارلىق ۇسىنىستى مۇقيات قاراپ شىقتىق. ياعني، ءبىز بۇل ازاماتتاردىڭ ءارقايسىسى وزىندىك ءبىر جاعدايلارعا بايلانىستى سەبەبى بار. بانك وكىلدەرى وسى ازاماتتارعا نەسيە بەرگەن كەزدە ولاردىڭ جاعدايلارىن ەسكەرمەگەن بولۋ كەرەك. سوندىقتان كورسەتىلگەن ازاماتتاردىڭ نەسيە قارىزدارىن كەشىرۋ دۇرىس بولادى. كوللەكتورلاردىڭ قىزمەتى وزگەشەلەۋ. ولار ايتىلعان ازاماتتاردىڭ نەسيە قارىزدارىمەن اينالىسپاۋى قاجەت. ءبىز قولدايمىز"، - دەدى ۇلتتىق بانك ءتوراعاسىنىڭ ورىنباسارى.
وسى ۇسىنىس بويىنشا دەپۋتات زاعيپا بالييەۆا مىناداي سۇراق قويدى: "ەگەر دە وسىنداي ۇسىنىس قابىلدانسا، بانكتەگىلەر ايتىلعان ازاماتتارعا نەسيە بەرمەي قويمايدى ما؟" ايتا كەتەيىك، زاعيپا بالييەۆانىڭ بۇل سۇراعىن وتىرعان ارىپتەستەردىڭ بارلىعى ورىندى دەپ سانادى.
سونىمەن قاتار، ۇلتتىق بانك ءتوراعاسىنىڭ ورىنباسارى كەيبىر ازاماتتاردىڭ تىزىمىنە كامەلەت جاسىنا تولماعان بالالارى بار ازاماتتاردى ەنگىزۋ تۋرالى ۇسىنىسقا قاتىستى پىكىر ءبىلدىردى.
"مەن مۇنىمەن كەلىسپەس ەدىم. ءبىراق ماعان بۇل ۇسىنىس ۇنادى، ياعني كوللەكتورلارعا جۇمىس ىستەۋگە تىيىم سالىنعان ازاماتتاردىڭ كەيبىر كاتەگوريالارى تۋرالى ۇسىنىس. ومىردە ءتۇرلى جاعدايلار بولادى. بورىشكەر تولەي الماي، سودان كوللەكتورلار ولاردان اقشانى ءونىدىرىپ الادى. بىلەسىز بە، اسىرەسە كامەلەت جاسىنا تولماعان بالالار ومىردە قيىندىق تۋدىراتىن جاعدايلار ەمەس، بۇل وتباسىعا كەلگەن باقىت. سوندىقتان دا مەن بۇل جاعدايلاردى شاتاستىرماۋدى قالايمىن"، - دەدى سمولياكوۆ.
"تىڭداڭىزدار، ءبىز ءقازىر كەلىسەمىز. مەن كامەلەت جاسىنا تولماعان بالالارى بار وتباسىلاردىڭ قارىزدارىمەن ەش جاعدايدا كوللەكتورلىق ۇيىمداردىڭ اينالىسۋىنا جول بەرمەيمىن. سىزدەر، كەشىرىڭىزدەر، بالا - ول ۇلكەن باقىت. سوندىقاتن دا كامەلەت جاسىنا تولماعان وتباسىلاردىڭ قارىزدارىن كوللەكتورعا جىبەرۋ كەرەك ەمەس"، - دەپ جاۋاپ بەردى ۇلتتىق بانك ءتوراعاسىنىڭ ورىنباسارى دەپۋتات بالييەۆانىڭ قويعان ساۋالىنا.
