رف پرەزيدەنتى ۆلاديمير ءپۋتيننىڭ باسپا ءسوز حاتشىسى دميتريي پەسكوۆ قىرعىزستان پرەزيدەنتى المازبەك اتامبايەۆتىڭ دەنساۋلىق جاعدايى تۋرالى اقپاراتتى تەك بۇقارالىق اقپارات قۇرالدارىنان الىپ وتىرعاندارىن مالىمدەدى، - دەپ حابارلايدى Qamshy.kz «ريا-نوۆوستيگە»سىلتەمە جاساپ.
«مالىمەت جوق. ءبىز المازبەك شارشەن ۇلىنىڭ تەزىرەك ساۋىعىپ كەتۋىن تىلەيمىز»، - دەگەن دميتريي پەسكوۆ.
بۇعان دەيىن ا. اتامبايەۆتىڭ دەنساۋلىق جاعدايىنا بايلانىستى نيۋ-يوركتەگى بۇۇ باس اسسامبلەياسىنىڭ جيىنىنا قاتىسپايتىنى جانە ونىڭ تۇركياداعى اۋرۋحانالاردىڭ بىرىنە جاتقىزىلعانى حابارلانعان بولاتىن.
