ارادا بەس جىل ۋاقىت وتسە دە زارىعا ىزدەگەن اناسىمەن جولىعۋ ءناسىپ بولماعان ەدى. اللانىڭ قالاۋىمەن قاجىلىق ساپارىندا ارمانى ورىندالىپ، ويلاماعان جەردە اناسىن كەزدەستىرەدى، - دەپ جازادى  Qamshy.kz baq.kz-كە سىلتەمە جاساپ.

حاماش مەككە قالاسىنا ساۋد كارولدىگىنىڭ پاتشاسى سالماننىڭ پالەستينالىق 1000 قاجىعا بولگەن ارنايى شاقىرتۋى بويىنشا ۇلى ساپارعا كەلگەن.

«ساۋد پاتشاسىنىڭ قايىرىمدىلىق باعدارلاماسى گازانىڭ توسقاۋىلىن كۇل تالقان ەتتى»، – دەپ حاماش تولقىعان سەزىمىن جاسىرا المادى.

سونداي-اق، اناسى باسقا بالالارىمەن ءار-رياد قالاسىندا تۇراتىنىن دا ايتتى. قۋانىشتىڭ كوز جاسىن جاسىرا الماي، تولقىعان  حاماش:

«قاسيەتتى جەرگە كەلىپ اق ءسۇتىن اياماعان انامدى جولىقتىرامىن، قايتا تاۋىپ الامىن دەگەن وي مۇلدەم باسىما كەلمەگەن ەدى»، – دەپ اللاعا ماقتاۋلار ايتىپ، شۇكىرلىكتەر كەلتىردى.