بۇگىن ماجىلىستە اقىلعا سىيىمسىز زاڭ جوباسى قارالدى. دەپۋتاتتار كوللەكتورلىق قىزمەت تۋرالى قۇجاتقا وسىنداي باعا بەردى. زاڭعا وزگەرتۋلەر مەن تولىقتىرۋلار ەنگىزۋگە قاتىستى جۇمىس توبىنىڭ وتىرىسى قىزۋ تالقىلاۋمەن ءوتتى، - دەپ حابارلايدى Qamshy.kz 31-ارناعا سىلتەمە جاساپ.    

- بانك نە پولۋچاەت 100 پروسەنتوۆ. ون سوگلاسەن 50 پروسەنتوۆ كرەديتا وتدات كوللەكتورسكوي كومپانيي، تولكو دليا توگو چتوبى ەتا كوللەكتورسكايا كومپانيا پوشلا ي ۆىبيلا ەتي دولگي. لوگيكا گدە؟!

بانكتىڭ الا الماي جۇرگەن نەسيەسىنىڭ جارتىسىن ءوندىرىپ بەرۋشى كوللەكتورگە تولەيتىنىن تۇسىنە المايمىن دەپ اشىنعان دەپۋتات، ودان دا بورىشكەرگە سول 50 پايىزىن كەشىرە سالمايمىز با دەدى. سونداي-اق زاعيپا بالييەۆا ءجاسوسپىرىم بالاسى بار وتباسىلاردىڭ قارىزىن كوللەكتورلار ارقىلى ءوندىرىپ الۋعا جول بەرمەۋدى ۇسىندى.

وسىلايشا، وسكەلەڭ ۇرپاقتى الەۋمەتتىك پروبلەمالاردىڭ كوبىنەن الشاق ۇستايمىز دەيدى. بۇدان بولەك، جۇمىس توبىنا قاتىسۋشىلار كوپ بالالى انالار مەن 3ء-شى توپتاعى مۇگەدەكتەرگە دە جەڭىلدىك قاراستىرۋ كەرەك دەپ وتىر. ءتىپتى، قازاقستاندا جەكە تۇلعالاردىڭ بانكروتتىعى تۋرالى زاڭ جوباسى بولماعاندىقتان، كوللەكتورلىق قىزمەتكە تىيىم سالۋ كەرەك دەگەندەر دە بولدى. جاڭا قۇجاتتى دايىنداۋشىلار، زاڭ جوق بولسا دا كوللەكتورلار قىزمەت ەتە بەرەتىنىن العا تارتادى.

ولەگ سمولياكوۆ، ق ر ۇلتتىق بانكى ءتوراعاسىنىڭ ورىنباسارى:

- قازىرگى كەزدە ازاماتتار كوللەكتورلىق قىزمەتتى قوقان-لوققىمەن اقشا تاباتىن رەكەت سياقتى قابىلدايدى. بۇل زاڭ كوللەكتورلىق قىزمەتتى قورعاۋ ءۇشىن ەمەس، ولاردىڭ بورىشكەرمەن قارىم-قاتىناسىن رەتتەۋ جانە جۇيەلەۋگە باعىتتالعان. بۇگىن ايتىلعان ۇسىنىس-پىكىرلەردى جۇمىس توبىندا ەسكەرەتىن بولامىز.