مەملەكەت باسشىسىنىڭ جارلىعىمەن تالعات تاتۋبايەۆ جەمقورلىققا قارسى ءىس-قيمىل جونىندەگى ۇلتتىق بيۋرونىڭ ءتوراعاسى بولىپ تاعايىندالدى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.

ول بۇعان دەيىن ءتوراعا ورىنباسارى لاۋازىمىن اتقارعان.

ۇلتتىق بيۋرو ءتوراعاسى لاۋازىمىن بۇعان دەيىن اتقارعان قايرات قوجامجاروۆ مەملەكەتتىك قىزمەت ىستەرى جانە جەمقورلىققا قارسى ءىس-قيمىل جونىندەگى اگەنتتىك باسشىسى بولىپ تاعايىندالعان بولاتىن.

تالعات تاتۋبايەۆ 1976 جىلى 9 قازاندا قاراعاندى قالاسىندا دۇنيەگە كەلگەن. ق ر باس تەرگەۋ كوميتەتى قاراعاندى جوعارى مەكتەبىنىڭ تۇلەگى (1997 جىل).

ۇيلەنگەن، ەكى قىزى، ءبىر ۇلى بار.

ت. تاتۋبايەۆ ءار جىلدارى ق ر پرەزيدەنت اكىمشىلىگى قۇقىققورعاۋ جۇيەسى بولىمىندە، مەملەكەتتىك قىزمەت ىستەرى جانە جەمقورلىققا قارسى ءىس-قيمىل جونىندەگى اگەنتتىكتە قىزمەت اتقارعان. 2016 جىلدىڭ 12 قاڭتارىندا جەمقورلىققا قارسى ءىس-قيمىل جونىندەگى ۇلتتىق بيۋرو ءتوراعاسىنىڭ ورىنباسارى بولىپ تاعايىندالدى.