اقتوبەنىڭ ورتالىق بازارىندا مۇزداي قارۋلانعان ارنايى جاساق ساقال قويعان ساۋداگەرلەردىڭ ءبىرىن قالدىرماي ۇستاپ اكەتتى. ءتارتىپ ساقشىلارىنىڭ بۇل ارەكەتىن كورگەندەر تاعى لڭكەستەر شابۋىل جاسادى دەپ شوشىپتى، - دەپ حابارلايدى Qamshy.kz كتك ارناسىنا سىلتەمە جاساپ. 

ءبىراق بۇل استانادان اقتوبەگە باس پروكۋرور باستاعان 200 ادامدىق دەلەگاسيانىڭ كەلۋى الدىندا جاسالعان ارنايى شارا ەكەن. قۇرامىندا تارتىپكە جاۋاپتى مينيسترلىكتەر، ءدىن جانە پارتيا وكىلدەرى بار ارنايى شتاب اقتوبە وبلىسىندا ءبىر اي جۇمىس ىستەمەك. ولار ءوڭىردى ارالاپ، جاستاردى تەرىس اعىمنان قايتارۋ، جۇمىسپەن قامتۋ، ءتىپتى كاسىپ باستايمىن دەگەندەرىنە نەسيە بەرۋ جايىن قاراستىرادى. وسىلايشا اقتوبەنىڭ الەۋمەتتىك-ەكونوميكالىق جاعدايىن كوتەرۋگە اتسالىسپاق ەكەن. ايتپەسە، قالادا جۇمىسسىزدىق بەلەڭ الىپ، اۋىر قىلمىستار دا 18 پايىزعا ارتىپتى. تەرىس ءدىني اعىمدا جۇرگەندەرمەن جۇمىس ونبەي جاتىر. 5ء-شى ماۋسىمداعى لاڭكەستىك ارەكەتتەن كەيىن دە بازار ىشىندە تەرىس ءدىني اعىمداعىلار ازايماپتى.

سىدىق ساقتاعانوۆ، اقتوبە قالاسىنىڭ تۇرعىنى:

-ۋاحابيستەر  كوبەيىپ كەتتى عوي. كوبىسى سولار عوي ساتىپ جاتكان. بۇلارعا ءبىر تىيىم سالسا دەيمىن. ەرتەڭگى كۇندە بۇلار ءورشىپ كەتسە، بۇل نە بولادى؟ بولىنەمىز عوي وندا مۇسىلماندار.