الماتى وبلىسىنداعى «دوستىق» ستانسياسى پوليسياسىنىڭ باستىعى مەن ونىڭ ورىنباسارى كوررۋپسيا كۇدىگىمەن ۇستالدى، - دەپ حابارلايدى Qamshy.kz ازاتتىققا سىلتەمە جاساپ.

كوررۋپسياعا قارسى ءىس-قيمىل قىزمەتىنىڭ حابارلاۋىنشا، ىشكى ىستەر مينيسترلىگى كولىكتەگى ىشكى ىستەر باسقارماسى «دوستىق» ستانسياسىنداعى جەلىلىك پوليسيا ءبولىمىنىڭ باستىعى، پودپولكوۆنيك ت.قۇيقابايەۆ پەن ونىڭ ورىنباسارى، پودپولكوۆنيك د.ماديبايەۆ ۇستالعان.

كوررۋپسياعا قارسى قىزمەتتىڭ اقپاراتىنا قاراعاندا، كۇدىكتىلەر «جۇكتى كەدەرگىسىز تيەۋ ءۇشىن» پارا الۋ كەزىندە ۇستالعان. ولاردىڭ قاشان ۇستالعانى ايتىلمايدى.

كۇدىكتىلەر سارقان اۋداندىق ىشكى ىستەر ءبولىمىنىڭ ۋاقىتشا ۇستاۋ يزولياتورىنا جابىلعان.

الماتى وبلىسىندا قىتايعا جولاۋشى مەن جۇك تاسىمالدايتىن پويىزدار وتەتىن نەگىزگى ەكى تەمىرجول بەكەتى بار، ولاردىڭ ءبىرى – «دوستىق – الاشانكوۋ».