برازيلياداعى سان-پاۋلۋ قالاسىنداعى تۇرمەدە قاماۋداعىلار كوتەرىلىس جاساعان. كوتەرىلىسكە تۇرمەنىڭ شەكتەن تىس تولىپ كەتۋى سەبەپ بولسا كەرەك. ناتيجەسىندە 200 قىلمىسكەر قاشىپ كەتكەن، - دەپ حابارلايدى Qamshy.kz.
كوتەرىلىس كەزىندە قىلمىسكەرلەر ماتراستاردى ورتەپ، ءورت لاپىلداپ، ءتۇتىن بۋداقتاعان كەزدە عيماراتتان قاشىپ شىققان. ولار قورشاۋدى دا قيراتىپ تاستاعان. كۇزەتشىلەر جاقىن ايماقتان قاشقىنداردى ىزدەستىرۋدە. بىرنەشە قاشقىن تراسسادان ۇستالسا، بىرەۋى جولدا مەرت بولعان. اقپاراتتارعا سۇيەنسەك، بۇل تۇرمەدە 800 ادام ارتىق قاماۋدا ەكەن.
ەستەرىڭىزگە سالايىق، وسى ايدا فرانسۋز تۇرمەسىندە كوتەرىلىس بولدى. سونداي-اق بيىل اقش -تا دا تۇرمە كوتەرىلىستەرى ورىن الدى.
