ۇزىناعاشقا مال ساتۋعا كەلىپ، ارتىنشا ءولتىرىلدى دەگەن اعايىندى 3 ازاماتتىڭ ىسىنەن كەيىن مۇنداعى مال بازارداعى ءتۇرلى-تۇرلى وقيعالاردىڭ بەتى اشىلىپ جاتىر. انىقتالعانداي قاندى وقيعاعا دەيىن ءدال وسى بازاردا بىرنەشە ساۋداگەر ءىرى كولەمدەگى اقشالارىنان ايرىلعان. ءتىپتى ءبىرى 4 ميلليون اقشاسىن ۇرلاتىپ العان. ال بىلتىر مال ساتۋعا كەلگەن ازاماتتىڭ ءولى دەنەسى كومىلىپ جاتقان جەرىنەن تابىلعان كورىنەدى، - دەپ حابارلايدى Qamshy.kz 31-ارناعا سىلتەمە جاساپ. 

ەسبولات ماعاز مال ساۋداسىمەن اينالىسقانىنا 3-4 جىلدىڭ ءجۇزى بولعان. قاسىنا سەنىمدى سەرىكتەستەرىن ەرتىپ الىپ، وسىدان ەكى جارىم اي بۇرىن ۇزىناعاشتاعى مال بازارىنا كەلىپ، ءىرى قارالارىن ساتقان. ال ودان تۇسكەن پايدانى:

ەسبولات ماعاز، ساۋداگەر:

- مىناۋ ەسىك اشىق تۇرادى، ءدال وسىنداي بولىپ. سول ساتتە مىنا جاق ەسىكتەن 1 مينۋتقا جەتەر جەتپەس ۋاقىتتا كوزگە ىلدىرمەي الىپ كەتكەن عوي اقشانى.

ۇرى تاجىريبەلى جانە ول جالعىز بولماعان دەيدى ەسبولات.

ەسبولات ماعاز، ساۋداگەر:

- ارت جاعىنان ءبىر ادام شاقىرادى، وسپاقتاپ. ول مال ساتىلىپ كەتكەن دەيدى ءبىزدىڭ جىگىت وعان. سويتسە اناۋ ءاي كەلىپ دۇرىستاپ ايتشى، نە دەگەن جاقسى مالدار دەپ تاعى دا شاقىرىپ العان. ءبىزدىڭ جىگىت ماشينادان تۇسكەن. ال سۋمكاداعى 4 ميلليون تەڭگەنى تۋرا وسى جەرگە قويىپ كەتكەن.

4 ميلليون جوعالعان سوڭ، ولار بىردەن پوليسيا كومەگىنە جۇگىنگەن. الايدا ولار، مۇرتى مايلانعان ۇزىناعاشتىق ۇرىلاردى ۇستاۋعا اسىقپاي وتىر دەيدى.

ۇزىناعاشتاعى مال بازارىنا كەلگەندەر ۇرلىق ءورشىپ تۇر، ال بەينەكامەرالار تەك كوزبوياۋشىلىق ءۇشىن عانا تۇر دەيدى.

- بىزدە وتكەن جىلى وسى بازاردا 840 مىڭ تەڭگەدەن ايىرىلدىق. باس اياعى 10 مينۋتتىڭ ىشىندە.

- بەيبىت كۇندە ازاماتتارىمىز، بالا شاعاسىنىڭ ىرىزدىعى،ءوزىنىڭ تابان ەتى ماڭداي تەرىمەن تاپقان تابىستارى بىرەر مينۋتتا جوعالۋى ۇرىلاردىڭ ابدەن داندەپ، ۇيىمداسقانىن كورسەتەدى.

مال مۇلىك بىلاي تۇرسىن، مۇندا ادام دا جوعالىپ، ارتىنشا ءولى تابىلىپ جاتاتىن كەزدەر بولدى دەيدى ساۋداگەرلەر.

گۋلي ءشامي قىزى:

- ءبىرىنشى مالىڭىزدى الامىز دەپ شاقىرعان. ول جىگىت سەنگەن. سەنىمدى ادامدار عوي دەپ بارعان. موتوسيكلمەن بارعان. ونان كەيىن ماشيناداعى سايماندارىن الىپ ول جىگىتتى ساباعان. اقشاسىن الماقشى بولعان.  ول جىگىت سەزىپ، سەندەرگە كەرەگى اقشا ما دەپ اقشانى كوزدەرىنشە جىرتىپ تاستاعان. كەيىننەن ول ەكى ازامات ونى ءولتىرىپ تاستاعان.

سوندىقتان، ساۋدا جاساۋشىلار بۇل جاعدايدى ءتيىستى ورگاندار قاتاڭ نازارعا السا دەيدى.