ەلىمىزدىڭ باس پروكۋرورى الەۋمەتتىك جەلىنى باقىلاۋعا ءالى كەلمەي وتىرعانىن مويىندادى. سونىڭ كەسىرىنەن لاڭكەستىك پەن زورلىق-زومبىلىقتى ناسيحاتتاۋشىلاردىڭ جولىن كەسە الماي وتىر،-دەپ حابارلايدى Qamshy.kz كتك ارناسىنا سىلتەمە جاساپ.

ەل ىشىندە ىرىتكى سالىپ جۇرگەن اسىرەدىنشىلدەردىڭ قاتارى وسى الەۋمەتتىك جەلى ارقىلى كۇن ساناپ كوبەيىپ بارادى. جيھادقا شاقىرعان سودىرلاردىڭ ۇندەۋى دە ەركىن تاراپ جاتىر. ءتىپتى، ماۋسىم ايىندا اقتوبەدە سويقان سالعاندار سيرياداعى يمامدارىنىڭ نۇسقاۋىمەن قولدارىنا قارۋ العان بولاتىن. سول قىرعىن كەزىندە 18 سودىردىڭ كوزى جويىلدى. اقتوبەنىڭ ستۋدەنتتەرىمەن كەزدەسكەن باس پروكۋرور الەۋمەتتىك جەلىنى باقىلاۋعا ءالى كۇنگە دەيىن تەحنيكالىق جادايدىڭ جوقتىعىن مويىندادى. دەگەنمەن، ءوزى عالامتور ارقىلى ەمەس، تىكەلەي ەل ارالاپ ناسيحات جۇمىسىن جۇرگىزۋدى ءجون ساناپتى. ول ءۇشىن كەشە ەكى جۇزگە تارتا نوكەرىن اقتوبەگە ەرتە كەلگەن ەدى. ولار ءبىر ايى بويى وسىندا بولىپ، وبلىستىڭ الەۋمەتتىك جاعدايىمەن تانىسادى. جات اعىمنىڭ جەتەگىندە كەتكەندەردى جونگە سالامىز دەپ وتىر. اقتوبەدە ەكى كۇن عانا ايالداعان باس پروكۋرور - ارىپتەستەرىنىڭ مۇنداعى جۇمىسىن استانادان باقىلاماق. 

جاقىپ اسانوۆ، ق ر باس پروكۋرورى:

-بۇرىن ءبىز سىرتتان كەلەتىن تەرروريستەردەن قورقاتىن ەدىك. ءقازىر ەندى ىشىمىزدەن شىعىپ جاتىر. بۇل دەگەن وتە ءقاۋىپتى. ولاردىڭ ماقساتى بىرەۋ. الەمدى جاۋلاۋ، بيلىكتى الۋ.