ق ر اقپارات جانە كوممۋنيكاسيا ءمينيسترى داۋرەن ابايەۆ «كازاحستانسكايا پراۆدا» گازەتى، «قازاقستان» رترك مەن ورتالىق كوممۋنيكاسيالار قىزمەتىنىڭ جاڭا باسشىلارىن تانىستىردى،-دەپ حابارلايدى Qamshy.kz.

«كازاحستانسكايا پراۆدا» گازەتىنىڭ باسقارما ءتوراعاسى بولىپ ۆياچەسلاۆ پاششەنكو تاعايىندالدى.

مينيستر بۇرىنعى باسشى الەكساندر تاراكوۆقا جەمىستى ەڭبەك ەتكەنى ءۇشىن العىس ءبىلدىرىپ، ونىڭ «كازاحستانسكايا پراۆدا» جۇيەسىندە ءتوراعا ورىنباسارى بولىپ قالاتىنىن مالىمدەدى.

«سىزدەردىڭ الدارىڭىزدا ۇلكەن مىندەت تۇر. سىزدەردى ەلدىڭ ەكونوميكاسى مەن ساياساتىنا ىقپال ەتەتىن اۋديتوريانىڭ وقىعانى ماڭىزدى»، - دەپ اتاپ ءوتتى د.ابايەۆ.

ال، «قازاقستان» رترك» اق ۇجىمىنا مينيستر جاڭا باسقارما ءتوراعاسى كەمەلبەك ويشىبايەۆتى تانىستىردى.

ءمينيستردىڭ حابارلاۋىنشا، كورپوراسيانىڭ بۇرىنعى باسشىسى نۇرجان مۇحامەدجانوۆا ءتوراعانىڭ ءبىرىنشى ورىنباسارى لاۋازىمىن اتقارادى جانە كومپانيا جانە ونىڭ فيليالدارىنىڭ ستراتەگيالىق ماسەلەلەرىنە قاتىستى جۇمىسىن رەتتەيتىن بولادى. داۋرەن ابايەۆ كورپوراسيانىڭ جەمىستى جۇمىسىن ەرەكشە اتاپ ءوتتى جانە ۇجىمعا ساتتىلىك تىلەدى.

ءوز كەزەگىندە كەمەلبەك ويشىبايەۆ كورپوراسيا ۇجىمى قويىلعان جاڭا مىندەتتەر مەن تالاپتاردى اقتاۋعا تىرىساتىندىعىن اتاپ ءوتتى.

«ءسىزدىڭ بارلىق تاپسىرمالارىڭىز مىندەتتى تۇردە ورىندالاتىن بولادى»، - دەدى ول.

سونداي-اق، بۇگىن «ورتالىق كوممۋنيكاسيالار قىزمەتى» رمك-نىڭ دە باسشىسى اۋىستى. مينيستر مەكەمە ۇجىمىنا جاڭا باسشىسى ەۆگەنيي كوچەتوۆتى تانىستىردى.    

«بۇل ول ءۇشىن ۇلكەن سەنىم جانە ۇلكەن مۇمكىندىك. ول الدىنا قويىلعان مىندەتتەردى ءساتتى اتقارىپ شىعاتىنىنا سەنىمدىمىن. ءقازىر ورتالىق كوممۋنيكاسيالار قىزمەتىنىڭ الدىندا ۇلكەن مىندەتتەر تۇر: بۇل قارىم-قاتىناستى ودان ءارى تەرەڭدەتۋ، جاڭا فورمات، ەۆگەنييدى جاقسى تانيتىندىقتان، ول بۇل مىندەتتى تولىق اتقارىپ شىعاتىنىنا سەنەمىن. مۇندا وتە مىقتى ۇجىم قالىپتاسقان. سوندىقتان بۇنى وتە جاقسى قولداپ وتىرۋ قاجەت»، - دەدى د. ابايەۆ.

پاششەنكو ۆياچەسلاۆ ۆالەنتينوۆيچ 1978 جىلى 15 شىلدەدە دۇنيەگە كەلگەن. الماتى مەملەكەتتىك ۋنيۆەرسيتەتىن ورىس فيلولوگياسى جانە ەكونوميكا جانە قۇقىق اكادەمياسىن قارجى جانە نەسيە ماماندىعى بويىنشا بىتىرگەن. ق ر پرەمەر-مينيسترىنىڭ ءبىرىنشى ورىنباسارىنىڭ كەڭەسشىسى، «بيزنەس-پارتنەر» ەكونوميكالىق مۋلتيمەديالىق پورتالىنىڭ باس رەداكتورى، «ينتەرفاكس-قازاقستان» پورتالىنىڭ باس رەداكتورى بولعان.

ويشىبايەۆ كەمەلبەك باقتىعۇل ۇلى 1977 جىلى 13 شىلدەدە دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن جۋرناليستيكا ماماندىعى بويىنشا، قازاق گۋمانيتارلىق-زاڭ ۋنيۆەرسيتەتىن زاڭگەر ماماندىعى بويىنشا، حالىقارالىق بيزنەس اكادەمياسىن كورپوراتيۆتى مەنەدجمەنت ماماندىعى بويىنشا ءتامامداعان، سونىمەن قاتار Geneva Business School - MBA مەكتەبىن بىتىرگەن. ورتالىق كوممۋنيكاسيالار قىزمەتىنىڭ ديرەكتورى قىزمەتىن اتقاردى. سونىمەن بىرگە «قازمەديا ورتالىعى» باس ديرەكتورىنىڭ ورىنباسارى، «Zaman قازاقستان» رەسپۋبليكالىق گازەتى باس رەداكتورىنىڭ ورىنباسارى، «قازاقتەلەكوم» اق كورپوراتيۆتىك ساتىلىمدار ديرەكسياسىنىڭ باس ديرەكتورى قىزمەتتەرىن اتقارعان.

كوچەتوۆ ەۆگەنيي دميترييەۆيچ 1988 جىلى 22 ساۋىردە دۇنيەگە كەلگەن. قازاق گۋمانيتارلىق-زاڭ ۋنيۆەرسيتەتىن قارجى ماماندىعى بويىنشا ءتامامداعان. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ەكونوميكا ماگيسترى. «قازكونتەنت» اق-نىڭ «Kaztube» پورتالىنا باسشىلىق ەتكەن. «Informburo»، «Vlast» اگەنتتىكتەرىنىڭ ەكونوميكالىق شولۋشىسى، «Kazakhstan real estate group» باسقارۋشى ديرەكتورى، «سەسنا» كورپوراسياسى» اق ديەۆەلوپمەنت بولىمشەسىنىڭ جەتەكشىسى قىزمەتتەرىن اتقاردى.