"بۇگىن الماتى-تبيليسي باعىتى بويىنشا "ەير استانا" اۋەكومپانياسىنىڭ №141 رەيسىن راسىمدەۋ كەزىندە جولاۋشىدان قۇرامىندا سىناپ بولۋى مۇمكىن كۇماندى سۇيىقتىق قۇيىلعان ىدىس تابىلعان،-دەپ حابارلايدى  Qamshy.kz Matritca.kz-كە سىلتەمە جاساپ.

اۋە قاۋىپسىزدىگى قىزمەتكەرىنىڭ كۇماندى ىدىستى بەرۋ تۋرالى تالابىن ەستىگەن جولاۋشى ەشقانداي ەسكەرتۋسىز ونى قوقىس جاشىگىنە تاستاي سالعان. مۇنىڭ سالدارىنان سۇيىقتىق توگىلگەن.

بۇل اقپارات تەز ارادا اۋەجاي باسشىلىعى مەن قاۋىپسىزدىككە جاۋاپ بەرەتىن قىزمەتتەرگە، الماتى تج جونىندەگى قىزمەتتەرگە، پوليسيا مەن قۇزىرلى ورگاندارعا حابارلاندى"، - دەپ مالىمدەدى اۋەجاي باسپا ءسوز قىزمەتى.

"اۋەجاي قىزمەتكەرلەرى مەن جولاۋشىلارى جەدەل تۇردە تەرمينال عيماراتىنان ءقاۋىپسىز ايماققا كوشىرىلدى. توتەنجە جاعدايلار قىزمەتى ماماندارى جولاۋشىلار تەرمينالى عيماراتىندا سۇيىقتىقتىڭ توگىلۋىنىڭ سالدارىن جويۋ بويىنشا بارلىق قاجەتتى ءىس-شارالاردى جاساپ جاتىر"، - دەپ اتاپ ءوتتى باسپا ءسوز قىزمەتىندە.

توتەنجە جاعداي سالدارىنان ءۇش ىشكى، ءۇش حالىقارالىق - بارلىعى التى رەيس كەيىنگە قالدىرىلدى.

باسپا ءسوز قىزمەتىنىڭ حابارلاۋىنشا، قازىرگى تاڭدا الماتى حالىقارالىق اۋەجايىنداعى بارلىق قىزمەتتەردىڭ جۇمىسى قالپىنا كەلگەن.